AMSAL 3:23 - WUKE SUSI WATTI'U AL᷊AL᷊USASSA

²³ I'o sarun umamatta su al᷊al᷊angnganna, wuṛṛu sarun tawe matara.

AMSAL 3:23 Referans Kwoze

AMSAL 10:9

Taumata matul᷊idda, mabbiakka mal᷊angnganna; taumata apan mallinga sarun asingkatanna.

AMSAL 4:12

Amungkangngu i'o mabbiakka aroddi, ne tawe sal᷊awangnge sutempo u'amatta, wuṛṛu sarun tawe itara sutempo tuttutal᷊angnga.

DARALO 121:3

I Tou tawe mamalanu manawo, mallal᷊u'addu sidutu uariaga.

DARALO 37:31

Titan Ruatane sasahipunanna sulal᷊ummu naungnge, i tou tawe sumewadda tita udde.

ZAKARIA 10:12

I Ya'u sarun manohassa uma-U, i mangitou sarun matuṛṛutta wuṛṛu mattaṛṛamawu si Ya'u. I Ya'u, Mawu, buatte nabbisara.”

AMSAL 2:8

Mawu ual᷊u'adda manga taumata apan ma'ola'a atatul᷊idda wuṛṛu mannillumma si mangitou apan marangngu si Tou.

DARALO 121:8

I Tou ual᷊u'adda si'o sutempo i'o rumanta wuṛṛu mapul᷊e, orassa indi sarun mal᷊annu-l᷊annu.

DARALO 119:165

Taumata apan marangngu tita-Nu mal᷊angnganna wuṛṛu matammudda, taweddu maasal᷊are si mangitou.

AMSAL 6:22

Manga al᷊aṛṛa'i mangitou sarun mangehetta si'o sulal᷊ummu amatanna, mallu'adda si'o sutempo ṛabbi, wuṛṛu mangonggollu tatantiro si'o sutempo i'o mabbangunna.

YESAYA 5:27

I mangitou sidutu uasaddia mapapangalo wuṛṛu tawe mamendamma lotakka. I mangitou lumobba matane ara'e aamatiil᷊anna.

YESAYA 63:13

Suapate Mawu apan nangehetta si mangitou u'amatta su ua'e apan mal᷊al᷊umma? Naal᷊ihidda awal᷊o u'amatta su wadda'u anne, i mangitou tawe saran paassa natara.”