AMSAL 3:18 - WUKE SUSI WATTI'U AL᷊AL᷊USASSA

¹⁸ Taumata apan uaagassa matohassa su asingkatta sarun mabbiakka tutune wuṛṛu su lal᷊umanna'a.

AMSAL 3:18 Referans Kwoze

AMSAL 11:30

Taumata apan susi sarun maatokka wiakke; taumata apan pande aatambanna mallal᷊aṛṛenggene.

AMSAL 15:4

Manga wisara mapia maatamba atatohassa, manga wisara apan maal᷊essa naungnga maaddio'a naungnga.

SONDAPPA 2:7

Isai-sai apan ma'aringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna wua wuassu punnu pabbawiakka apan tuttuwo su Waillu Ruata.”

AMSAL 13:12

Amungkangngu antimma tawe nautunganna, naungnga massusa; amungkangngu apulun naungnga niautunganna, naungnga lulluassa.

PANDARIADDI 3:22

Ruata nabbisara, “Orassa indi taumata nabbal᷊ite ere i ite wuṛṛu uatahuanna asingakatta su ola'u apapia wuṛṛu al᷊al᷊eo. Nariaddi mappianne isingadde i tou umanna wuan kalu apan mangngonggolu wiakka, tadea'u arie i tou mabbiakka saran mal᷊annu-l᷊annu.”

PANDARIADDI 2:9

Ruata napatuwon al᷊awa'u hatin aaluanna apan maṛṛansanga wuṛṛu maggessi manga wua apan mapia. Su pattangngannu wailla udde tinumuwote alu apan mangngonggollu wiakka, wuṛṛu alu apan mangngonggollu asingkatta su ola'u apapia wuṛṛu al᷊al᷊eo.

SONDAPPA 22:2

su pattangngannu lal᷊anna su soa udde. Su winggin sal᷊ukka udde, su ruam baane pia alu punnu wiakka, apan mabbua paapul᷊o dua santonna, eteudde paassa sambul᷊anna. Rongngane ipappaatta ipangngundama manga walahanna.

AMSAL 4:13

Paanaungete sidutu al᷊aṛṛa'a apan buatte nisengkammu wuassia'u. Pal᷊u'are udde mapia-pia, ana waugu ringannu al᷊aṛṛa'a udde pabbiaṛṛannu pia hessine.

AMSAL 8:34

Lal᷊umanna'a su taumata apan maddaringikka si ya'u apan mamiallo ua'ianna su ngaran bal᷊e'u, wuṛṛu uariaga su ngara wahewalla atatanaangku.

MANNANASE 7:12

ere lai roitta aonggollu atatammudda. Nangillembo apande su ola'u asingkatta! Isai uatahuanna sarun masel᷊amatta.

AMSAL 8:32

Ana waugu udde, paddaringikke si ya'u, ei ingana'a dario'a! Tuṛṛutte tatantiro'u, ne i'o sarun su lal᷊umanna'a.