AMSAL 29:6 - WUKE SUSI WATTI'U AL᷊AL᷊USASSA

⁶ Taumata lal᷊eo niasongngannu sedda ana waugu rosane, taumata matul᷊idda uapendamma mal᷊ussa wuṛṛu lal᷊umanna'a.

AMSAL 29:6 Referans Kwoze

2 TIMOTIUS 2:26

Ringannu aroddi i mangitou maatutukke apia, wuṛṛu napallose wuassu seddan Setanna apan suete nangiitta si mangitou wuṛṛu mammata'i mangitou tumantalongnga apulune.

MANNANASE 9:12

Taumata wagga tingngera tempone rumanta. Ere manu'u winalanganna nasongnganna wuṛṛu inassa nasomanna, aroddi lai taumata aṛṛiaannu asasilaka sutempo apan niawagananna.

SASABANGNGA 15:1

Ana see i Musa wuṛṛu manga taumatan Israel nangantarin aantari indi ipaddalo Mawu, “I Ya'u maapulu mangantari su Mawu, ana waugu i Tou naauntungke ringannu wahewalla. Anambon awal᷊o wuṛṛu sumasa'ene nituntungi Tou sulal᷊ummu tahal᷊oangnga.

DARALO 118:15

Paddaringikke hion naauntunga su manga rasannu al᷊aṛṛanang-Nge, “Mawu na'ola'a inolaanna wahewalla!

DARALO 97:11

Semakka nilumapputte su taumata apan naungnge matul᷊idda, wuṛṛu lal᷊uassa su taumata apan mabbiakka su ṛinone.

DARALO 11:6

Taumata lal᷊eo niṛṛuuman-Ne ringannu asasilaka, ringannu putungnga, mal᷊elanga wuṛṛu anginna apan maaepodda.

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

YAKOBUS 1:2

Manga tuṛṛangnga! Amungkangu yamiu sumaruanna al᷊awo'u hatin bawono'a, ṛinone itarimatti yamiu ere auntunganna.

AMSAL 12:13

Taumata lal᷊eo niasongngannu manga wisara lal᷊eo apan niwisarane; taumata mapia nal᷊iu wuassu asasusa.

AMSAL 5:22

Rosan taumata lal᷊eo udde ere sedda apan ipannongnga taumata udde sassane.

DARALO 132:16

Manga imammi mangitou namasilon asasal᷊amatta wuassia-U; tumanangnge sarun mangngantari wuṛṛu lumala'a.

1 YOHANES 1:4

I yami namoṛṛetu indi tadea'u naungngi ite atonna-tonna mal᷊uassa.

MAL᷊AṚṚUUNGNGA 20:41

Wuṛṛu su orassa udde lai tantaran Israel apianne nabbal᷊i'a namangalo, na'oman sara tantaran Benyamin udde nabbal᷊i nassongkakka ana waugu i mangitou naatutukke manungku i mangitou sarun marugite.

AMSAL 22:5

Paṛṛabba wuṛṛu sedda nitaingnga su lal᷊annu taumata taṛṛa linga; pangindauten sarangkanambone udde amungkangngu i'o mappulu masal᷊amatta.

AMSAL 10:28

Antimmu taumata mapia ma'ola'a si tou su lal᷊umanna'a; antimmu taumata lal᷊eo tawe loṛṛone.