AMSAL 29:24 - WUKE SUSI WATTI'U AL᷊AL᷊USASSA

²⁴ Taumata apan mammanara suadio'a ringannu manana'o, atappasanne mabbinsin batanganne sassane. Amungkangngu i tou mabbati'a atonna su pallaṛṛuunganna, i tou sarun iṛṛuumanna. Arawe amungkangngu i tou sidutu mal᷊annabba, i tou sarun aṛṛinoannu wawontogu Ruata.

AMSAL 29:24 Referans Kwoze

IMAMATTA 5:1

Sasamba ipangampungnga rosa ṛinone ionggola; Amungkangngu pia sangkatou taumata ringannu atonna niroronganna massakassi su mallaṛṛuungnga, arawe tawe nanal᷊a'an sarangkanambone apan buatte niasiloanna ara'e niaringiṛṛanne, na'oman sara i tou sarun mamasanna passasala udde.

AMSAL 8:36

Isai tawe maasomba si ya'u, mandugi watanganne sassane; taumata apan maddantingku, mandangngu papate.”

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

AMSAL 15:32

Taumata apan maddiri aṛṛaanna, tawe mangaregan batanganne sassane; taumata apan mannengkamma tatagu, mabbali taumata masaṛṛionto'a.

MARKUS 11:17

Wua'udde Mawu Yesus nangaṛṛa'e manga taumata isudde. I Tou nabbisara, “Sulal᷊ummu Wuke Susi uawoṛṛetta ereindi: Ruata nabbisara, ‘Wal᷊e-U sarun isago wal᷊e tampa pangangal᷊iomanannu al᷊awo'u walahanna.’ Arawe niola'i yamiu sal᷊akku taumata taṛṛa ṛampassa!”

AMSAL 6:32

Arawe ereapate su manga esakka apan sussandaga? I tou manggohakku watanganne sassane! Tumanitewen boddo i tou!

MAL᷊AṚṚUUNGNGA 17:2

Su allo sambau i tou nabbisarate su inangngene, “Su inangnga niawul᷊iannu saṛiwu maṛasutta roitta sal᷊a'a, i ya'u naaringikka inangnga mantal᷊an manana'one. Indete Inangnga, roinne! Ete i ya'u nanna'o.” Inangngene sinumimbakka, “Antimanna i'o al᷊amatannu Mawu, ana'u!”

AMSAL 20:2

Asasa'un datu naal᷊ihidda tingikku singa; taumata apan mandantan asasa'une udde atappasanne mannilakka watanganne sassane.

1 SAMUEL 20:2

I Yonatan sinumimbakka, “Arie pabbisara aroddi! Ringannu arannu Mawu, i'o tawe pateanna. Iamangku sidutu mammasingkattu pandumanne si ya'u, mawae udde ahunanne, aroddi lai tawe. Nariaddi tawe suṛṛinone iamangku mangaddappingngu pandumanne udde si ya'u. Ana waugu udde sarangkanambone apan iwabbisaranu udde wahia!”