AMSAL 29:18 - WUKE SUSI WATTI'U AL᷊AL᷊USASSA

¹⁸ Walahanna apan tawe naasomba aehettu Mawu mabbal᷊i walahanna apan napenen pabbawawul᷊o. Lal᷊umanna'a su taumata apan matuṛṛutta titan Mawu.

AMSAL 29:18 Referans Kwoze

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

YAKOBUS 1:25

Titan Duata nasuungnga wuṛṛu pia taṛṛinone mamallosu taumata. Wuṛṛu taumata apan mammarikissa wuṛṛu mannutukka mapia-pia lapiddu tuttuṛṛutta tita udde, wuṛṛu wal᷊inewe tumba'u maddaringikka see timbul᷊iananna, taumata udde sarun al᷊amatannu Ruata sulal᷊ummu al᷊awo'u inolaanne.

HOSEA 4:6

I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.

YOHANES 13:17

Amungkangngu i yamiu maasingkatten sarangkanambone indi, al᷊al᷊uassa si yamiu apan suete na'ola'a manara udde.

AMSAL 19:16

Taumata apan tuttuṛṛutta manga parentan Duata sarun masal᷊amatta, taumata apan tawe mangaregane sarun nate.

DARALO 119:2

Lal᷊umanna'a su taumata apan mappaamattu parenta-Ne, wuṛṛu ringannu ahewallu naungnge maddea'a ma'illal᷊a Mawu.

1 SAMUEL 3:1

Tantal᷊anna udde, i Samuel apan ta'e dario'a udde mangngimbe Mawu su al᷊ungngu lu'addi Eli. Sutempo udde mal᷊awa atonna pia tanata wuṛṛu sondappa wuassu Mawu.

MATIUS 9:36

Su tempo Mawu Yesus naasilo taumata nambo udde, i Tou inumakkanni mangitou, ana waugu i mangitou tinumiangnga wuṛṛu lome, ere domba apan tawe mallal᷊u'adde.

SASABANGNGA 32:25

I Musa naatutukka manungku i Harun buatte namalan balahannu Israel naal᷊ihidda awal᷊o napallosananna wuassu tandangnge, na'oman sara i mangitou nabbal᷊i pinallal᷊agen manga seetti mangitou.

DARALO 74:9

Manga nabi wuṛṛu manga al᷊aṛṛindu'a tate iasilo apia, wuṛṛu tawe saran sangkatou masingkatta maddatingngu tingngera olangnge arendi.

DARALO 19:11

Titan Mawu udde maareganne wuassu wul᷊awanna tutune, mattemanganna wuassu pul᷊a apianne.

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

2 TAWARIKH 28:19

Ana waugu i Ahas ratun Yehuda nanantangngu Mawu wuṛṛu tawe mamarenta tumanangnge ringannu mapia, ne Mawu nandantan asasusa su Yehuda.

DARALO 106:3

Lal᷊umanna'a su taumata apan tuttuṛṛutta manga parenta-Ne, wuṛṛu tawe sal᷊ane sulal᷊ummu inolaanne.

AMSAL 8:32

Ana waugu udde, paddaringikke si ya'u, ei ingana'a dario'a! Tuṛṛutte tatantiro'u, ne i'o sarun su lal᷊umanna'a.

AMSAL 29:19

Sangkatou allangnga tawe wotongnge tumba'u aṛṛaannu wisara. I tou maasunna, arawe waggan pandumanne.

DARALO 119:1

Lal᷊umanna'a su taumata apan mabbiakka tawe sangkulle wuṛṛu matuṛṛutta su manga titan Mawu.