AMSAL 28:26 - WUKE SUSI WATTI'U AL᷊AL᷊USASSA

²⁶ Isai mangngasakka lal᷊annu ṛingiranne sassane, tawe ṛingiranna mapia. Isai tuttuṛṛuta al᷊aṛṛa'u taumata pande sarun masal᷊amatta.

AMSAL 28:26 Referans Kwoze

AMSAL 3:5

Pangimante Mawu ringannu ahewallu naungngu, wuṛṛu ariete mangasakku pasasunnanu sassane.

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

ROMA 8:7

Taumata apan ṛingiṛṛanne paparentannu pallal᷊agun taumata, taumata udde uasaseettu Ruata, ana waugu taumata udde maddiri tumuṛṛutta titan Duata; wuṛṛu atonna i tou tawe maatuṛṛutta apulun Duata.

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

2 MARARATU 8:13

“Ah, i ya'u taumata apan tawe gunane,” sasimbakki Hazael, “tawe mariaddi ya'u pia taṛṛino ahewalle ereudde!” “Mawu buatte namasingkatta si ya'u manungku i'o sarun maola'a ratun Siria,” sasimbakki Elisa.

AMSAL 2:12

see lai maningaddu mallaṛṛenggenna lal᷊annu wiakka apan suṛṛinone, wuṛṛu lai mangindaun batangannu wuassu manga taumata apan moṛṛongnge lal᷊eo.

AMSAL 3:7

Arie mangngasakku watangannu mappandeanna wuassu apan suṛṛinone; ewe'e paatuṛṛutta Mawu wuṛṛu pangindaute wuassu al᷊al᷊eo.

AMSAL 26:12

Taumata woddo ta'e lai mappianne wuassu taumata apan massunna watanganne pande.