AMSAL 28:20 - WUKE SUSI WATTI'U AL᷊AL᷊USASSA

²⁰ Taumata matul᷊idda al᷊amatannu Mawu, arawe taumata apan mappulu mal᷊ihakka maala, tawe mal᷊iu wuassu ṛuumanna.

AMSAL 28:20 Referans Kwoze

AMSAL 13:11

Paa'ala apan niasombanganne ringannu hampa sarun mal᷊ihakka lai mahaingnga; arawe darotongnga apan niammulla paaddio'a sarun aatambanna.

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

AMSAL 28:22

Taumata apan wal᷊iu apulune mal᷊ihakka maala; i tou wagga manungku paasiangnga mal᷊ihakke maṛṛia'e si tou.

AMSAL 20:21

Darotongnga apan paarorone niasombanganna ringannu mal᷊ihakka, panginsueanne inauranna wal᷊ine al᷊amatta.

AMSAL 10:6

Taumata mapia sarun maasomba al᷊amatta. Araṛṛagissa uawuni sulal᷊ummu manga wisaran taumata lal᷊eo.

DARALO 101:6

Apulu'u taumata apan matuṛṛutta Mawu; i mangitou wotongnge matana'a su wal᷊e'u. Taumata mabbiakka apan tawe angngone wotongnge mangimbe si ya'u.

NEHEMIA 7:2

Pamamarentan soa Yerusalem ta'u nitantilla su tuṛṛangku Hanani wuṛṛu si Hananya, tembonannu tanda batu, ana waugu i tou nangillembo wuassu taumata waine, matta'uttu Ruata wuṛṛu wotongnge pangimananna.

SONDAPPA 2:13

I Ya'u masingkata suapa i yamiu uatana'a, eteudde su araratuannu Setanna. I yamiu matuṛṛuta si Ya'u. Ewe'e su tempo i Antipas, matatiala-U apan matuṛṛuta udde, nipate su saruannu su tampan Setanna, i yamiu tawe naddandila manungku i yamiu mangngimanna si Ya'u.

LUKAS 16:1

Mawu Yesus nabbisara mallal᷊aṛṛenggen-Ne, “Pia sangkatou taumata ala. I tou pia sangkatou mangangadon roitta apan mangngatokku pa'a'alane. Taumata ala udde naasomba alae manungku mangangadon roitta mangnginsue roinne.

LUKAS 12:42

Mawu Yesus sinumimbakka, “Isai mangangimbe apan matuṛṛutta wuṛṛu pande ma'oman sara pileannu mawune maola'a tembonannu mangangimbe waine tadea'u i tou mappaanni mangitou su tempone?

AMSAL 23:4

Imbaṛṛangnga mattinsahadda tadea'u maddea'a maala. Addoa'e apulunu udde.

AMSAL 20:6

Manambo taumata apan mangnga'u watanganne hawe, arawe apan atonna-tonna satia, masahadda paddeaanne.

AMSAL 17:5

Isai mangngal᷊uandaga taumata masa'ina, mallobbossa taumata Ruata mandariaddine. Isai apan lulluassu asasilakan taumata waine, sarun maasomba ṛuumanna.

1 SAMUEL 22:14

Ana see i Ahimelekh sinumimbakka, “Arawe wal᷊inewe i Daud tembonannu tantaran Tuangnga apan atuṛṛutanne? Ete i tou mananambon Tuangnga, wuṛṛu lembon a'addatannu anambon taumata sulal᷊ummu wal᷊en araratuanni Tuangnga.

MATIUS 24:45

Mawu Yesus nabbisara apia, “Amungkangngu aroddi, mangangimbe suapane apan matuṛṛutta wuṛṛu pande? Ete i tou sarun itenegu mawune maola'a tembonannu manga mangangimbe waine, tadea'u i tou mangagillu anna si mangitou su tempone.

MATIUS 25:21

‘Mapia,’ unnu mawu udde, ‘ete i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun manantillu anamboanne si'o. Suttate wuṛṛu lalluasse ringangku!’

AMSAL 19:2

Araṛṛimadda ringannu tawe asingkatta, lal᷊eo; taumata apan uasasaṛṛawutta sarun ma'ola'a pasasal᷊a.