AMSAL 28:15 - WUKE SUSI WATTI'U AL᷊AL᷊USASSA

¹⁵ Taumata lal᷊eo apan uaparenta taumata su awussa, naal᷊ihidda singa mammiṛṛonganna ara'e beruangnga apan tumambote.

AMSAL 28:15 Referans Kwoze

MATIUS 2:16

Napawe i Herodes naasingkatta manungku manga mapapanden anumpitanna wuassu ra'i udde namahia si Tou, i tou nasa'u atonna. Wua'udde i tou nandolokke mapapaten al᷊awo'u ana'a esakka uukke rua tonna inawa su Betlehem wuṛṛu lai su wanua maranine. Udde nassul᷊ungngu tal᷊aane apan niaringiṛṛanna wuassu manga mapapanden anumpitanna udde su tempo anumpitanna udde niasiloanna.

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

AMSAL 20:2

Asasa'un datu naal᷊ihidda tingikku singa; taumata apan mandantan asasa'une udde atappasanne mannilakka watanganne sassane.

AMSAL 19:12

Asasa'un datu ere tingikku singa; apapian datu naal᷊ihidda wal᷊angngukka apan nakkolo al᷊awo'u sinuananna.

2 MARARATU 21:16

Wal᷊ine lai wuassu taumatan Yehuda na'ola'a rosa su Mawu ringannu massubba paal᷊uanna, i Manasye namate lai manambo taumata apan tawe sal᷊ane na'oman sara daṛṛa nangelekka su al᷊awo'u tampa su Yerusalem.

SASABANGNGA 1:22

Ana see ratu nangonggolu parenta indi su tumanangnge, “Suapan ana'a esakku taumatan Ibrani apan wakkute niasungkangnga ṛinone iramme su Sal᷊ukku Nil, arawe anambon anangnge wawine wotongnge iwala wiakka.”

HOSEA 13:8

I Ya'u sarun mamangalo si yamiu ere beruang apan niawul᷊iannau manga anangnge. I Ya'u sarun manggaissa si yamiu. Naal᷊ihidda singa i Ya'u sarun tumambo si yamiu su tampanu, wuṛṛu naal᷊ihidda winatangnga malaṛṛaga i Ya'u mangke manggesa'a si yamiu.

HOSEA 5:11

Israel niallangnga; i tou niawul᷊iannu tahuanne su letangnge sassane, ana waugu i tou mangke mammata'a ma'iontolla si sai apan ṛinone wotongnge mangontolla si tou.

AMSAL 17:12

Mapianne massomban inangngu beruangnga apan niawul᷊iannu anangnge, wuassu ringannu taumata woddo apan niumal᷊iwun awawawoddone.

2 MARARATU 2:24

I Elisa nanaile wuṛṛu nanutudda si mangitou ana see nantal᷊an mangitou ringannu arannu Mawu. Orassa udde lai darua beruanga wawine sinumabbanga wuassu mahurange wuṛṛu namaṛṛu wadangu appatu pul᷊o dua su atoune al᷊aṛṛana'a wuassu wallattu manga al᷊aṛṛana'a udde.

AMSAL 29:2

Amungkangngu taumata mapia mamarenta, lal᷊oṛṛon soa mal᷊uassa. Arawe amungkangngu taumata lal᷊eo uaparenta, tumana'u soa uatataṛṛangnga.

SASABANGNGA 1:13

Ana see ringannu maṛṛagissa mannansara taumatan Israel,

YESAYA 14:5

Mawu buatte nanginsue pamamarenta manga tembonanne lal᷊eo

YESAYA 14:6

apan ringannu massa'u mangngallanga manga walahanna wuṛṛu sidutu mannansara si mangitou.

ZEFANYA 3:3

Manga tembonannu soa udde naal᷊ihidda singa apan mammasingnga. Manga mallaṛṛuungnge naal᷊ihidda manga serigala mal᷊unussa; i mangitou tumaniten bal᷊iu na'oman sara duṛṛi sampaddi lai tadewu itantangnga tiṛṛabbine.