AMSAL 28:13 - WUKE SUSI WATTI'U AL᷊AL᷊USASSA

¹³ Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

AMSAL 28:13 Referans Kwoze

AYUB 31:33

Taumata waine mamunin dosane, arawe i ya'u taambe saran paassa na'ola'a ere i mangitou.

AYUB 33:27

Ne su saruannu awadaalla i tou sarun mabbisara, ‘Iapa lal᷊eo sassunnangku mapia, ahewallawe eteapa rosa'u, arawe Ruata tawe makkuumangku.’

WATTI'U MANGA RASUL 26:20

Ringannu uahahatti ya'u namasingkatta su manga taumata manungku i mangitou ṛinone mawal᷊u wuassu manga rosa mangitou, wuṛṛu manantillu wadangngi mangitou su Ruata see lumiatta'a sulal᷊ummu wiakki mangitou manungku i mangitou nawal᷊ute wuassu manga rosa mangitou. I ya'u namasingkattu watti'a udde paarorone su Damsyik, wua'udde su Yerusalem wuṛṛu su ahewallu Yudea wuṛṛu su wallattu manga taumata apan wal᷊ine Yahudi.

DARALO 51:10

Wala'ewe i ya'u maddaringikka watti'u al᷊al᷊uassa, tadea'u naungnga apan niṛṛimunsang-Ngu indi lumala'a apia.

PANDARIADDI 4:9

Mawu naiwal᷊o si Kain, “Suapa i Habel, tuarinu?” Kain sinumimbakka, “I Ya'u wagga. Apa ṛinone i ya'u ual᷊u'adda tuari'u?”

AMSAL 10:12

Pabbawinsin mandantan patatiakka; darangngu mangngampungnga anambon pasasal᷊a.

1 SAMUEL 15:30

I Saul sinumimbakka, “I ya'u narosate. Arawe tul᷊unga'a Papa, pabbelengke suadio'a ringangku tadea'u ya'u wotongnge mattaṛṛamawu su Mawu Ruata Iamangnga. Ringannu aroddi i Papa mangngaddatta si ya'u su saruannu manga piaṛṛa'u pabbawala'u wuṛṛu su saruannu anambon taumatan Israel.”

1 SAMUEL 15:24

Naaringikka udde i Saul nanga'u si Samuel, wisarane, “Atonna ya'u buatte na'ola'a rosa. I ya'u nilumawangke parentan Mawu wuṛṛu tawe naddaringikka tatantiron Papa. I ya'u matta'uttu tantara'u, ana see ya'u nangutungngu darorongngi mangitou.

AMSAL 17:9

Amungkangngu mappulu arangnguannu taumata, ampunge pasasal᷊a apan niola'i mangitou. Mangke manul᷊en pasasal᷊a tumba'u mammassutta paggahahawe.

1 SAMUEL 15:13

Sutempo i Samuel nassombaten Saul, i Saul nabbisarate si tou, “Doronganna Mawu mangal᷊amatta si Papa! I ya'u buatte napaamattu parentan Mawu.”

IMAMATTA 5:5

Sulal᷊ummu hatto udde, taumata apan nassal᷊a ṛinone manga'u pasasal᷊ane.

2 SAMUEL 12:13

Ana see i Daud nabbisara si Natan, “I ya'u buatte na'ola;'a rosa su saruannu Mawu.” I Natan sinumimbakka, “Mawu buatte nangampungnga pasasal᷊an Tuangnga; nariaddi i Tuangnga tawe mate.

2 SAMUEL 14:32

I Absalom sinumimbakka, “Ana waugu i'o maddiri rumanta sutempo niwagoangku. I ya'u maapulu mandolokku iapasaruanna ratu wuṛṛu iapapasingkattu aiwal᷊o'u indi, ‘Apa hunane i ya'u nanantangngu Gesur wuṛṛu nabelengnga inawarendi? Mappianne i ya'u matana'e poiaroddi.’ ” Ne i Absalom nabbisara apia, “Paddea'e tempone tadea'u i ya'u wotongnge maasaruanna ratu, wuṛṛu napawe i tou mabbisara manungku i ya'u ta'e nassal᷊a, i ya'u uasaddia iṛṛuumanna pateanna.”

EZRA 10:11

Ana waugu udde, panga'ute rosanu su saruannu Mawu, Ruata sassubannu iupungngu al᷊amonan kite, wuṛṛu pa'ola'e pallalagu apan maal᷊uassa naung-Ne. Panginduaten taumata raho apan uatana'a su wanuan kite wuṛṛu limbuaṛṛete mangaawingngu wawine wuassu walahanna raho udde.”

YEREMIA 2:35

i yamiu mabbisara manungku i yamiu tawe sal᷊ane, manungku i Ya'u tate lai masa'u si yamiu. Arawe i Ya'u Mawu, sarun makkuumanni yamiu ana waugu i yamiu maddiri manga'u manungku i yamiu nassal᷊a.

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

MAL᷊AṚṚUUNGNGA 10:15

Arawe ruangannu Israel nabbisara Mawu, “Yami narosate, Mawu. Ola'e suereapa ipaapulu-Nu, sawal᷊iate I'o mantul᷊ungngi yami su allo indi.”

2 MARARATU 20:15

“I mangitou ma'ellega apa su wal᷊en aṛṛatuanna?” aiwal᷊on Yesaya apia. “Manga al᷊awo'a!” sasimbakki Hizkia. “Tawe saran sambau pa'a'ala sulal᷊ummu wal᷊en araratuanna apan tawe ta'u niapasilo si mangitou.”

2 TAWARIKH 6:26

Amungkangu al᷊aṛṛanang-Ngu marosa su saruan-Nu wuṛṛu I'o makkumanni mangitou ringannu tawe manossokku uranna, ana see i mangitou mawal᷊u wuassu rosan mangitou wuṛṛu mangaddatta Si'o Mawu, wua'udde sumaruanna watukku Wal᷊en-Nu indi lapiddu umal᷊iomanna Si'o,

EZRA 10:2

Wua'udde Sekhanya ana'i Yehiel wuassu wawosoanni Elam, nabbisara si Ezra, “I yami narosate su Mawu ana waugu buatte naawingngu walahanna waine. Salaiwe aroddi apa ta'e pia antimma su Israel.

AYUB 34:31

Ayub, apa rosanu su lantakku hatin Duata buatte nia'unu? Apa i'o buatte naddiandi tate ma'ola'a rosa apia?

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

YUNUS 3:10

Ruata na'ellega inolaanni mangitou; i Tou naasilo manungku i mangitou buatte nanantangngu inolaanni mangitou apan dal᷊eo. Ne i Tou namal᷊u ṛiin-Ne, wuṛṛu tate nariaddi hakkuumanni mangitou.