AMSAL 28:11 - WUKE SUSI WATTI'U AL᷊AL᷊USASSA

¹¹ Taumata ala sidutu uapendamma watanganne pande, arawe taumata asiangnga apan pia buddine masingkattu isai i tou ṛinone.

AMSAL 28:11 Referans Kwoze

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

AMSAL 26:16

Iapa malassa massunna watangnge mannamboanne apande wuassu siri pitu taumata apan sinumimbakka naṛṛino.

AMSAL 18:17

Mabbawisara paarorone sulal᷊ummu pallaṛṛuungnga sidutu nellehanna naṛṛino, arawe wisarane mannattakke iannamma amungkangu ro'amme rumantate.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

YESAYA 5:21

Nasilakate i yamiu apan mammendamma watangannu pande wuṛṛu lembon masingkatta!

AMSAL 26:5

Aiwal᷊o apan woddo ṛinone simbaṛṛanna ringannu sasimbakka apan woddo lai, tadea'u isai naiwal᷊o masingkatta manungku i tou wal᷊ine pande ere apan ilaṛṛangngone.

AMSAL 23:4

Imbaṛṛangnga mattinsahadda tadea'u maddea'a maala. Addoa'e apulunu udde.

AMSAL 19:1

Mapianne taumata asiangnga apan mabbiakka matul᷊idda, wuassu taumata woddo apan apulune mammahia.

AMSAL 18:11

Arawe taumata ala massunna tumba'u darotongnga apan ual᷊u'adda si tou naal᷊ihidda tanda'a watu matanggakka wuṛṛu matohassa uapal᷊iwutta soa.

AYUB 32:9

Taumata mabbal᷊i pande, wal᷊ine ana waugu uukke mal᷊o'engke; taumata maasunna apan naṛṛino, wal᷊ine ana waugu matanggakke uukke.

AMSAL 3:7

Arie mangngasakku watangannu mappandeanna wuassu apan suṛṛinone; ewe'e paatuṛṛutta Mawu wuṛṛu pangindaute wuassu al᷊al᷊eo.

AMSAL 26:12

Taumata woddo ta'e lai mappianne wuassu taumata apan massunna watanganne pande.