AMSAL 28:10 - WUKE SUSI WATTI'U AL᷊AL᷊USASSA

¹⁰ Isai massal᷊o'u taumata matul᷊idda tadea'u ma'ola'a al᷊al᷊eo, i tou sassane manawo sulal᷊ummu sedda. Taumata apan naungnge waresi sarun al᷊amatanna ma'oman sara su lal᷊umanna'a.

AMSAL 28:10 Referans Kwoze

AMSAL 26:27

Isai apan naal᷊i loṛṛangnga ipaggau taumata waine, i tou sarun mataṛṛo sulal᷊umme. Isai manal᷊inggin batu tadea'u ipangumpisanna taumata waine, i tou sassane apan sarun aumpisanannu watu udde.

GALATIA 2:4

salaiwe pia manga taumata mammata'u olangnge udde. I mangitou udde manga taumata apan sinumutta awagananna sulal᷊ummu ammul᷊anni ite wuṛṛu mattingkaola'a ere tuṛṛangnga. I mangitou sinumutta ringannu mal᷊anna-l᷊annaba mannaṛṛassida al᷊al᷊uassa apa niola'i ite ana waugu i ite uaaukke ringanni Kristus. I mangitou maapulu mapaawelengngi ite su olangnge paarorone ere sangkatou allangnga,

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

AMSAL 15:6

Su wal᷊en taumata mapia pia manambo darotongnga; paa'alan taumata woddo nawul᷊in asasilaka.

SONDAPPA 2:14

Salaiwe aroddi pia manga pira inolaani yamiu apan tawe maal᷊uassa si Ya'u: Pia sangkadoanna taumata su wallatti yamiu apan mangngimanna al᷊aṛṛa'i Bileam. I Bileam nangaṛṛa'a si Balak ereapa mangema'u taumatan Israel su rosa; ringannu nassal᷊o'i mangitou umanna anna apan suete nionggolla su paal᷊uanna wuṛṛu ma'inolaanna sussandaga.

MANNANASE 10:8

Isai naal᷊i loṛṛangnga, sarun mawontolla sulal᷊umme; isai manggohakku darandungnga sarun iiannu atoanna mawisa.

AMSAL 21:20

Taumata pande sidutu uatatana'a su al᷊al᷊uassa wuṛṛu su paa'ala; arawe taumata woddo mabbasabbangngu darotongnge tawe deenganne.

AMSAL 10:3

Mawu sarun mamalan taumata mapia amal᷊unusanna; arawe i Tou mannal᷊awa'a taumata lal᷊eo tadea'u taumata udde tawe maasomba apa apan ipaapulune.

DARALO 37:11

Taumata apan mawawo naungnge sarun mappussa'a leta'a udde, wuṛṛu maapendamma lal᷊umanna'a marasai.

DARALO 9:15

tadea'u i ya'u maddalo Si'o su saruannu tumana'u Yerusalem. I ya'u sarun lumala'a lulluassa ana waugu I'o nanal᷊amatta si ya'u.

1 SAMUEL 26:19

Tuangnga paddaringikke sasubban allangngu indi. Unnu wisara Mawu buatte nandolokki Tuangnga niaparo'appa allangngu, udde maola'a sambau sasamba apan botongnge mapaasungen asasa'un Mawu su saruannu allangnge. Arawe unnu wisara apan nirolokki Tuangnga udde taumata, doronganna i mangitou wontohannu Mawu. Ana waugu wuassu inolaanni mangitou, allangngu buatte nilimbuaṛṛanna wuassu leta'a pussa'an Mawu wuṛṛu ringannu mawakkatta allangngu inaite su wanua waine suapa allangngu ṛinone mattaṛṛamawu monganna apan ta'e awagananna.

IBRANI 6:12

I yami maddiri yamiu mabbal᷊i wolo'a. Arawe i yami maapulu tadea'u i yamiu mabbiakka ere manga taumata apan mannengkama apa apan suete pina'iren Ruata, ana waugu mangngimanna si Tou wuṛṛu ana waugu uaraṛṛaddo ringannu asasabare.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

DARALO 57:6

Oh Ruata, pal᷊iatta'e awawantu-Gu su langitta, wuṛṛu awasa-Nu su ahewallu runia.

DARALO 139:24

Ellehete tanne pia al᷊al᷊eo sulal᷊ummu riri'u, wuṛṛu i ya'u sulal᷊anna apan tawe panguddusanne.

AMSAL 2:21

Ana waugu, taumata apan mabbiakka tuttuṛṛutta apulun Duata, eteudde taumata apan naungnge matul᷊idda, ete i mangitou apan matana'a su wanua apan pina'iren Mawu.

AMSAL 28:18

Taumata apan mabbiakka ringannu tawe sangkulle sarun masal᷊amatta. Taumata apan u'al᷊iwu wiakke, sarun manawo.