AMSAL 28:1 - WUKE SUSI WATTI'U AL᷊AL᷊USASSA

¹ Taumata lal᷊eo tuttal᷊angnga ringannu taweddu mangangenggenne, arawe taumata matul᷊idda, waṛṛani ere singa.

AMSAL 28:1 Referans Kwoze

TAHIUL᷊E 28:7

Amungkangngu i yamiu pangaloanna, Mawu sarun mamaddon seennu. I mangitou sarun mamangalo ringannu uaatokka, arawe tumal᷊angnga ringannu uasongkakka.

DARALO 53:5

Wisaran Mawu, “Manga taumata lal᷊eo udde tawe matimpu'o lai? I mangitou mabbiakka ringannu mangngaṛṛo su al᷊aṛṛana-U, wuṛṛu tawe saran paassa umal᷊iomanna si Ya'u.”

DARALO 112:7

I Tou tawe mata'utta maaringikka watti'a lal᷊eo, naungnge matohassa ana waugu mangngimanna Mawu.

1 TESALONIKA 2:2

I yamiu masingkata manungku ro'en i yami taambe nirumanta ringanni yamiu su Tesalonika, i yami suete niapaasusa wuṛṛu nial᷊uandahanna su Filipi. Arawe salaiwe manambo taumata mandooppa si yami, Mawu Ruatan kite suete nangonggolu awawaṛṛani si yami ipabbatti'u Watti'u Al᷊al᷊uassa si yamiu apan darantane wuassi Tou.

WATTI'U MANGA RASUL 4:13

Manga wageangngu ammul᷊annu Mamamarikissa udde naherangnga naasilo awawaṛṛanin Petrus wuṛṛu i Yohanes, see lai i mangitou masingkatta manungku rasul darua udde taumata wiasa apan tawe si'ol᷊ane. See i mangitou naatutukke manungku rasul darua eteudde manga taumata apan uatantalongnga Mawu Yesus.

WATTI'U MANGA RASUL 14:3

Ana waugu udde i Paulus wuṛṛu i Barnabas natana'a mal᷊annu isudde. Wuṛṛu ringannu waṛṛani i mangitou mabatti'u wisara Mawu. Ne Mawu lai napaal᷊iatta'a manungku watti'i mangitou su ola'u darangngu-Ne udde atonna; i Tou nangonggolu taṛṛino si mangitou ma'ola'a al᷊aṛṛindu'a wuṛṛu inolaanna waine.

YEREMIA 20:4

Mawu sassane nabbisara, ‘I'o sarun Ta'u olaanna pangalo su watangannu sassane wuṛṛu su manga hawenu. I'o sarun maasilo i mangitou pateannu seetti mangitou. Anambon taumatan Yehuda sarun Ta'u iwala tataṛṛinoannu ratun Babel; sambageanganna wuassi mangitou sarun iapidde maola'a tawananna watukku Babel, wuṛṛu lambene sarun pateanna.

IMAMATTA 26:36

Manga taumatanu apan uatana'a sulal᷊ummu pamuanganna su wanua waine, sarun Ta'u olaanna tumaniten matta'utta, na'oman sara tingikku rongnga apan nitiuppu anginna na'atal᷊anga si mangitou. I yamiu sarun tumal᷊anga naal᷊ihida a'enggenanna sulal᷊ummu pangalo, ana see nal᷊iundu'a salaiwe tawe seetta maraninu.

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

2 MARARATU 7:15

I mangitou na'oman sara Sal᷊ukku Yordan. Su al᷊o'engu lal᷊anna i mangitou maasilo laubba wuṛṛu manga saranapa uasal᷊iawukka. Sarangkanambone udde ṛatangannu taumatan Siria walate awaretane sutempo i mangitou tinumal᷊anga. Manga daroloṛannu ratu udde napul᷊ete wuṛṛu nabbal᷊ote ratu.

YESAYA 7:2

Napawe ratun Yehuda naaringikka manungku tantaran Siria sinumuttate su wageangngu Israel narambauten Israel, i tou wuṛṛu pabbawalage mangke matta'utta, na'oman sara i mangitou mangngiladda naal᷊ihidda punnu alu apan ia'io'u anginna.

SASABANGNGA 11:8

Panginsuenne i Musa nabbisara, “Anambon mammamanaran araratuanni Tuangku sarun dumanta wuṛṛu sarun umal᷊intudda su saruangku wuṛṛu madorongnga tadea'u i ya'u wuṛṛu balatiangku manantangngu wanua indi. Wua'udde i ya'u inaite mapul᷊e.” Ana see ringannu nasa'u atonna i Musa nanantangngu ratu.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

NEHEMIA 6:11

Arawe i ya'u sinumimbakka, “I ya'u indi wal᷊ine taumata apan apulune tuttal᷊angngu watanganne. Ere sangkatou taumata wiasa i ya'u tawe wotongnge sumutta su Wal᷊en Mawu, takkudde i ya'u mate. Tawe, i ya'u maddiri!”

AMSAL 27:27

Wuassu manga ambingngu waine i'o wotongnge maasomba susu see lai manga amonannu see mangangimbenu.

YESAYA 30:17

Saṛṛiwu su atoune sarun tumal᷊angnga maasilo wawansagu sangkatou seetta, wuṛṛu wawansagu siri lima maaola'a si yamiu tumal᷊angnga abbi-abbi. Wuassu tantaranu tumba'u matantangnga sambau pul᷊on baneṛṛa su puiddu wuidda.

1 MARARATU 1:49

Manga rahon Adonia nabbali nata'utta, na'oman sara i mangitou sarangkanambone dirumarisikka see napul᷊e, sangkatou-sangkatou niumamattu manga lal᷊anne sassane.

AYUB 15:21

Manga tingikka ma'ikkatta mammengella tal᷊ingane; sutempo apan malangnganna maraṛṛampassa rumanta mamangalo si tou.

DARALO 53:6

Taumata lal᷊eo sarun lembon maatta'utta, sumbal᷊i taweddu mata'utta si mangitou, ana waugu Ruata nanal᷊iawukku duṛṛin taumata apan namangalo si yamiu; i mangitou nita'en Duata, ne i yamiu sarun mamaddon mangitou.

AMSAL 10:9

Taumata matul᷊idda, mabbiakka mal᷊angnganna; taumata apan mallinga sarun asingkatanna.