AMSAL 27:22 - WUKE SUSI WATTI'U AL᷊AL᷊USASSA

²² Salaiwe taumata woddo heseṛṛanna ma'ikka-ikkatta, tawe mawul᷊i awawoddone.

AMSAL 27:22 Referans Kwoze

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

AMSAL 23:35

Ana see i'o sarun mabbisara, “Al᷊imangke i ya'u nipuulla wuṛṛu niperon taumata, arawe i ya'u tawe maanaungnga apa apan buatte nariaddi. Uare, i ya'u tumaniten aamatiil᷊anna! I ya'u ṛinone ma'inumma apia!”

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.

SASABANGNGA 12:30

Ṛabbi udde ratu, manga mammamanaran araratuanna wuṛṛu anambon taumata Mesir napu'o. Su ahewallu wanua Mesir niaringikka tingikku lal᷊allu apan ma'ikkata ana waugu tawe saran sambau wal᷊en tawe niapateannu sangkatou ana'a esakka.

SASABANGNGA 14:5

Napawe ratu Mesir naaringikka manungku balahannu Israel tinumal᷊angke, i tou wuṛṛu manga mammamanaran araratuanne sinumassilla wuṛṛu nabbisara, “Apate sarun olaanni ite? Anio i ite namalan manga taumatan Israel udde napul᷊e na'oman sara i ite niawul᷊iannu manga allangnga?”

SASABANGNGA 15:9

Unnu seetta, ‘I mangitou sarun ta'u enggenanna wuṛṛu ta'u sametanna, ta'u sawutanna hal᷊ele'u, wuṛṛu ta'u pateanna abbi i mangitou. Ana see anambon darotongngi mangitou ta'u anuanna, ta'u tahianna wuṛṛu ipaatta ma'oman sara mawusa.’

AMSAL 26:11

Naal᷊ihidda asu nabelengnga nangalluppa mutane, aroddi lai taumata woddo apan nanul᷊en awawoddone.

YEREMIA 13:23

Wotongnge taumata maitumma mamal᷊u kaluren pisine, ara'e harimau mamul᷊in woṛṛentenge? Udde tawe mariaddi! Aroddi lai i yamiu apan ninumarampe ma'ola'a al᷊al᷊eo tawe mariaddi ma'ola'a apapia.

1 SAMUEL 19:21

Napawe watti'a udde na'omate si Saul, i tou nandolokku manga daroloṛṛanna waine wuṛṛu i mangitou udde lai massal᷊aingke wuṛṛu mangngintul᷊i suadio'a. Su atallune i Saul nandolokku manga daroloṛṛanna, ne aroddi lai apan nariaddi si mangitou.

1 MARARATU 13:33

I Ratu Yerobeam sidutu maddiri manantangngu pallal᷊agune apan dal᷊eo. Su ipallu'adda manga tampa patataṛṛamawuanna apan buatte niolangnge udde, i tou sidutu mammile imam wuassu manga amonanna wiasa. Walate isai apan mappulu, itenega mabbal᷊i imam.

AMSAL 14:24

Taumata pande raddaloanna ana waugu apapandene, taumata woddo tinumelengnga ana waugu awawoddone.