AMSAL 27:21 - WUKE SUSI WATTI'U AL᷊AL᷊USASSA

²¹ Wul᷊awanna wuṛṛu sal᷊a'a iannamma sulal᷊ummu auntapanna; taumata asingkatanna wuassu ala'uanne sutempo raloanna.

AMSAL 27:21 Referans Kwoze

AMSAL 17:3

Wul᷊awanna wuṛṛu sal᷊a'a iannamma su auntupanna, arawe naungngu taumata iannammu Mawu.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

DARALO 66:10

Oh Ruata, I'o buatte nanal᷊u'atta si yami naal᷊ihidda taumata mannassala sal᷊a'a su putungnga.

1 PETRUS 1:7

Tuddane eteudde mattiala manungku tanne atonna-tonna i yamiu mangngimanna Mawu ara'e tawe. Wul᷊awanna lai apan wotonge mahohakka, iannamma su putungnga. Ne pangangimanni yamiu maareganne wuassu wul᷊awanna, nariaddi ṛinone lai iannama tadea'u maola'a matohassa. Wuṛṛu ringannu aroddi yamiu sarun raloanna wuṛṛu addatanna lapiddu iruitta su allo Mawu Yesus Kristus rumanta apia.

MALEAKHI 3:3

I Tou rumanta tadea'u makkuungnga, naal᷊ihidda taumata apan mammaresi wul᷊awanna wuṛṛu sal᷊a'a. Ere sangkatou mapapanden logamma mammaresi wul᷊awanna wuṛṛu sal᷊a'a, aroddi lai daroloṛṛannu Mawu sarun mamaresi manga imam tadea'u i mangitou mangngonggollu manga sasamba ringannu olangnge apan ipaapulun Mawu.

1 PETRUS 4:12

Manga tuṛṛangnga apan arangnguanna! I yamiu orassa indi lembon uatataṛṛanga susa ana waugu tantal᷊anna iaannamma. Arawe arie tumiangnga, paṛṛimaunnapa ere pia sambau riaddianna apan wahewalla mariaddi si yamiu.

DARALO 12:6

Wisaran Mawu, “Taumata asiangnga a'umpisananna wuṛṛu taumata susa sussal᷊iomanna. Ne orassa udde lai i Ya'u rumanta mangonggolu langnganna apan aantimanni mangitou.”

2 SAMUEL 14:25

I Absalom niraloanna ere sangkatou apan atohasanne su ahewallu Israel. Tawe taumata apan mattohasanna wuassi tou. Wuassu pal᷊addu ledda maddatingngu pentakku uta'a tawe sangkulle.

1 SAMUEL 18:30

Mangke masokka napawe tantaran Filistin rumanta mamangalo, i Daud sidutu maauntungnga mamate si mangitou wuassu manga tembonannu tantaran Saul apan waine. Ne i Daud lembon tinumelengke.

LUKAS 6:26

Nasilakate i yamiu, amungkangngu anambon taumata maddalo si yamiu; ana waugu aroddi lai iupungnga al᷊amona mangitou maddalo manga nabi awusu su tempo rorone.”

AYUB 28:1

Pia paal᷊ianna isudde sal᷊a'a niasombanganna; pia tampa isudde wul᷊awanna wabbaresianna.