AMSAL 27:20 - WUKE SUSI WATTI'U AL᷊AL᷊USASSA

²⁰ Su runian taumata nate, sidutu pia tampa; aroddi lai apulun taumata tawe pattaal᷊anne.

AMSAL 27:20 Referans Kwoze

MANNANASE 1:8

Sarangkanambone maawusa wuṛṛu awawusa udde tawe iawisara. Matan kite mangke tawe mal᷊aidda ma'ellega; tal᷊ingan kite tawe mawusa maddaringikka.

1 YOHANES 2:16

Al᷊awo'u saranapa sulal᷊ummu runia indi – apan ipaapulun pallal᷊agun taumata marosa, apan a'ellehanna see iannemma wuṛṛu ipamarabunga – sarangkanambone udde manga inolaanna apan tawe wuassu Ruata, ewe'e wuassu runia.

MANNANASE 6:7

Taumata mammanara tumba'u ana waugu anna, arawe i tou tawe maapendamma mal᷊uassa.

HABAKUK 2:5

Paa'ala udde sidutu mammahia taumata. Taumata wal᷊iu udde mawunga wuṛṛu sussinggawangnga. Naal᷊ihidda papate, i tou lai tawe mawusa; walahanna passambau mangke aaṛṛoanne.

MANNANASE 4:8

Pia taumata apan mabbiakka sassane tawe ana'a, ara'e lai tuṛṛangnga. Salaiwe aroddi, i tou sidutu mammanara masahadda wuṛṛu naungnge tawe saran paasa mal᷊uassa ringangu darotongnge. Ionggolla sisai i tou tumaniten mattinsahadda wuṛṛu mannola'u al᷊awo'u lal᷊umanna'a? Udde lai tawe gunane, wuṛṛu sambau ola'u pabbiaṛṛanna apan susa.

YEREMIA 22:17

Arawe i'o, Yoyakim, al᷊aṛṛaene. I'o tumba'u maddea'a auntungannu sassane. I'o mammate taumata apan tawe sal᷊ane, wuṛṛu mangngallangnga tumanangngu ringannu maṛṛagissa.

AMSAL 23:5

Ana waugu tumba'u sulal᷊ummu sangkaṛṛondappa darotongngu sarun mawul᷊i, ereola'u i tou pia papaidde wuṛṛu tumalla'a su winabbawa ere manu'a rajawali.

AMSAL 15:11

Mawu masingkattu runian taumata nate wuṛṛu manga olangnge; tawe mariaddi ṛingirannu taumata wotongnge iawuni si Tou?

AYUB 26:6

Su saruannu Ruata, runian taumata nate wawu'anna, tawe lal᷊aamme na'oman sara aasiloan-Ne.

AMSAL 27:19

Su ereapa ua'e pallintauannu hatinu, aroddi lai hatinu mapal᷊iatta'u watangannu.

HAGAI 1:9

I yamiu mangngantimma wuan pangitinganna apan nangillembo, wutte'e apan niasombanganni yamiu tumba'u addio'a atonna; i yamiu nangapidda mapul᷊e, arawe wuan pangitingannu udde Ta'u nitiuppa, na'oman sara nasue niapiddu anginna. Anio Ta'u niola'a udde? Sasimbakke eteudde; Ana waugu Wal᷊e-U ta'e ere manga tuidda, arawe i yamiu sarangkanambone maṛṛimadda mabbangunna wal᷊enu sambau-sambau.

YESAYA 5:14

Loṛṛangngu papate nawu'ate mal᷊oa-l᷊oangnga ipangalluppa manga taumata piaṛṛangnge su Yerusalem ringannu tumana'u soa apan maddea su andeangnga udde.