AMSAL 27:12 - WUKE SUSI WATTI'U AL᷊AL᷊USASSA

¹² Taumata pande mallinda'a napawe maasilo silaka; taumata woddo sidutu u'amatta wua'udde niaṛṛiaannu silaka.

AMSAL 27:12 Referans Kwoze

AMSAL 22:3

Taumata pande mallinda'a napawe maasilo asasilaka; taumata woddo sidutu u'amatta ana see niaṛṛiaannu asasilaka.

AMSAL 18:10

Mawu udde naal᷊ihidda menara apan matohassa; ete poiaroddi taumata matul᷊idda inai wuṛṛu maasomba tampa apan mal᷊angnganna.

IBRANI 11:7

Ana waugu mangngimanna, ne i Nuh niapasingkatannu Ruata su ola'u apa apan sarun mariaddi su allo murine, apan tawe asiloanni tou. I Nuh tinumuṛṛuta Ruata na'oman sara i tou nallanginnu apalla apan sal᷊immurine niasingkatanna napanal᷊amatta wadangnge wuṛṛu lal᷊oṛṛon bal᷊ene. Ringannu aroddi runia niṛṛuumanna, arawe i Nuh sassane ana waugu pangangimanne niapaal᷊iatta'u Ruata ere sangkatou taumata apan mapia.

2 PETRUS 3:7

Arawe langitta wuṛṛu runia apan sara orassa indi, nipadul᷊ianannu ṛengetannu Ruata udde lai, ana see tutungannu putungnga su tempo addantane. Orassa indi langitta wuṛṛu runia ta'e papadul᷊iananna ma'oman sara allo manga taumata apan lal᷊eo udde iṛṛuumanna wuṛṛu pateanna.

MATIUS 3:7

Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

AMSAL 27:11

Ana'u, ṛinonewe i'o pande, tadea'u i ya'u mal᷊uassa wuṛṛu maasimbakka amungkangngu inseṛṛoanna.

AMSAL 27:13

Isai apan mamasanna utangngu taumata waine, wotongnge anuanna darotongnge maoala'a wataṛṛun riandine.