AMSAL 26:20 - WUKE SUSI WATTI'U AL᷊AL᷊USASSA

²⁰ Napawe alu nappusse, ne putungnge mappaddumpe; napawe iapa tal᷊imoṛṛonganna tate baddi'a, ne patatiakka lai nasuete.

AMSAL 26:20 Referans Kwoze

YAKOBUS 3:6

Lila nassul᷊ungu putungnga. Su wadangi ite, i tou naola'a punnu al᷊al᷊eo apan mannal᷊iawukku al᷊al᷊eo su ahewallu wadangi ite. Ringannu putungnga apan darantane wuassu naraka, i tou nanutungnga ahewallu wiakki ite.

AMSAL 22:10

Limbuaṛṛete taumata apan taṛṛa al᷊uandaga, ne naddote patatiakka, pasaseetta wuṛṛu ual᷊al᷊obbossa.

AMSAL 16:28

Taumata apan mallinga mandantan pabbawawul᷊o; taṛṛa lobbossa mappatal᷊ein sanggaweanna.

AMSAL 26:22

Oddatta udde matemangnga pendamanne; taumata apulune mangalluppa udde.

YAKOBUS 3:5

Aroddi lai lilan kite: salaiwe lilan kite udde adio'a, arawe i tou wotongnge mamarabungan watanganne su manga inolaanna apan wahewalla. Ṛangngoa'e aroddi ahewalle mahurangnge wotonge tutungannu putungnga apan tumaniten addio'a!

IMAMATTA 19:16

Imbaṛṛangnga manal᷊iawukku hahelo suwallatu sambalahannu, tadea'u i yamiu tawe maapate taumata sansul᷊ungngu. Ete i Ya'u Mawu.