AMSAL 25:23 - WUKE SUSI WATTI'U AL᷊AL᷊USASSA

²³ Anginna sawannakka sarun mandantan uranna; aroddi lai paggahahatto sarun mandantan asasa'u.

AMSAL 25:23 Referans Kwoze

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.

ROMA 1:30

apulune mandal᷊eo arannu taumata waine; i mangitou mawunga wuṛṛu tawe atoranne, apan maddantinnu Ruata wuṛṛu mataṛṛupassi. I mangitou pande madea'a lal᷊anne wakku ipadea'a al᷊al᷊eo. I mangitou lullawanna timmadde;

AMSAL 26:20

Napawe alu nappusse, ne putungnge mappaddumpe; napawe iapa tal᷊imoṛṛonganna tate baddi'a, ne patatiakka lai nasuete.

DARALO 15:3

apan tawe manggal᷊usa'a sansul᷊ungnge, wuṛṛu tawe ma'ola'a al᷊al᷊eo su hawene, wuṛṛu mandal᷊eo arannu al᷊indonganne;

AYUB 37:22

Semakka ere wul᷊awanna nasabbangnga wuassu sawannakka, ne awawantugu Ruata naatiangnga naungngi ite.

DARALO 101:5

Taumata apan mangngal᷊uandaga ringannu mal᷊annabba, sarun ta'u pateanna. Taumata apan mawunga wuṛṛu naungnge matanggakka tawe ta'u iwala aroddi.

DARALO 35:16

I mangitou sidutu mangngal᷊uandaga sangkatou peṛṛo, wuṛṛu ma'ellega si ya'u ringannu maddantunna.

AYUB 37:9

Wuassu timukka tinumiuppa anginna ma'ikkatta wuṛṛu wuassu sawannakka anginna masunge nangooppa.