AMSAL 25:21 - WUKE SUSI WATTI'U AL᷊AL᷊USASSA

²¹ Amungkangngu seennu mal᷊unussa, i tou onggol᷊eten anna; amungkangngu i tou marou, painuma'e i tou.

AMSAL 25:21 Referans Kwoze

MATIUS 5:44

Arawe orassa indi Ya'u mabbisara si yamiu: pandangngute manga seennu, wuṛṛu al᷊iomana'a manga taumata apan mammate si yamiu,

AMSAL 24:17

Ariewe lumuassa amungkangngu seennu masilaka, wuṛṛu arie lumala'a amungkangngu i tou manawo.

2 TAWARIKH 28:15

Ana see siri appata matatimmadde udde nabuatte wuṛṛu napaannu manga taumata niatawanna udde. I mangitou nattahia laubba wuassu saranapa apan buatte niaaṛṛo udde wuṛṛu nionggola su taumata apan mappandumma. I mangitou lai nattahia sapatu, anna wuṛṛu ua'e. Manga taumata niatawanna apan nal᷊essa niundamannu lanan zaitun. Ingana'a ete lome umamatta, niluranna su keledai, ana see anambon taumata niatawanna udde niapidde watukku Yerikho, soan manga punnu alu kurma, tadea'u wotongnge maapule watukku manga ampungngi mangitou su Yehuda. Wua'udde taumatan Israel napul᷊ete su Samaria.

2 MARARATU 6:22

“Arie,” sasimbakki Elisa. “Ewe'e lai tantara apan niasametti Tuanga sulal᷊ummu pangalo udde tawe pateanni Tuanga, nangillembo lai indi. Onggol᷊eten anna wuṛṛu painuma'e i mangitou, ana see wala'e i mangitou mapul᷊e ringannu ratun mangitou.”

AMSAL 25:20

Mangantari hunan taumata massusa naal᷊ihidda nanantol᷊e si tou sutempo masunge naal᷊ihidda nallal᷊innu cuka su lessane.

1 SAMUEL 24:20

Mal᷊awa atonna sangkatou massomban seenne arawe niwalane i tou wiakka! Nariaddi, antimanna Mawu mangal᷊amatta si'o ana waugu inolaannu apan mapia si ya'u su allo indi!

AYUB 24:23

Ruata nangonggolla si tou wiakka su lal᷊umanna'a, arawe ual᷊u'adda si tou tawe illol᷊one.

AMSAL 24:29

Arie mabbisara, “I ya'u sarun mabbal᷊issa si tou sarangkanambone apan buatte niola'i tou si ya'u!”