AMSAL 24:5 - WUKE SUSI WATTI'U AL᷊AL᷊USASSA

⁵ Taumata pande massaraunganna wuassu taumata matohassa; asingkatta mappianne wuassu auatanna.

AMSAL 24:5 Referans Kwoze

MANNANASE 7:19

Asingkatta maaola'a tatahuanne lembon matohassa wuassu mapul᷊o tembonanne su sambau soa.

KOLOSE 1:11

Doronganna ringannu taṛṛinon Duata apan mawantuga, i yamiu tohasanna ma'oman sara i yamiu wotongnge matataṛṛanga ringannu sabbare wuṛṛu naungnga mal᷊uassa

AMSAL 21:22

Taumata pande wotongnge mapangaṛṛo soa apan rariagannu tantara apan matohassa; i tou naṛṛa'an manga tanda'a watu apan ipangngasakki mangitou.

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

AMSAL 10:29

Mawu ual᷊u'adda taumata matul᷊idda, arawe mammate taumata inolaanne lal᷊eo.

AMSAL 8:14

Ete i ya'u apan nangonggollu tatantiro sulal᷊ummu naungnga. Wuṛṛu i ya'u lai apan napal᷊iatta'a. I ya'u pande wuṛṛu lai matohassa.

DARALO 84:7

Tantal᷊anna i mangitou u'amatta su wawal᷊annu Baka, tampa udde niwal᷊un mangitou nabbal᷊i al᷊imatan kua'e, uranna paarorone nangonggolu al᷊amatta.

AMSAL 24:6

Ana waugu tantal᷊anna taambe napapangalo ṛinone pia hol᷊aga apan naatokka paarorone, wuṛṛu lembon manambo mananantiro, pia antimma wahewalla manungku sarun maauntungnga.

YESAYA 36:5

Su sunnanu tumba'u wisara wotongnge maapallol᷊ossa apande wuṛṛu auatannu tantara? Isaite pangunsandaṛṛannu na'oman sara i'o waṛṛani mando'appa Asyur?