AMSAL 24:13 - WUKE SUSI WATTI'U AL᷊AL᷊USASSA

¹³ Ana'u, pa'inumpe pul᷊a, ana waugu udde mapia. Su ereapa pul᷊a wuassu sal᷊akku langone, matemangnga inumanna,

AMSAL 24:13 Referans Kwoze

YESAYA 7:15

Sutempo i tou wahewalle se'e wotongngete makkawessa sassane, wanua udde sarun maola'a manambo anna.

ANTARI MAWANTUGA 5:1

I ya'u nirumanta su wawail᷊angku, tuari, pare'u, ta'u niammulla mur wuṛṛu rampa-rampa'u; ta'u nianna sal᷊akku langon pul᷊a wuṛṛu pul᷊a'u, ta'u niinumma susu wuṛṛu ua'e'u anggore Aante wuṛṛu pa'inumpe, manga hawe, pa'inumpe ma'oman sara iwu'annu paapulu.

AMSAL 25:16

Arie pa'inumma pul᷊a manambo-nambo; takkude i'o mawusaingnga.

ANTARI MAWANTUGA 4:11

Mapia manga wisaranu, pare'u, naal᷊ihidda pul᷊a tutune wuṛṛu susu. Laungngu awangngine ere Wowon Libanon.

DARALO 119:103

Atemangngawe eteapa wisara-Nu, pendamanna mattemanganna wuassu pul᷊a!

DARALO 19:10

Mattaṛṛamawu su Mawu udde mapia, uatialu saran mal᷊annu-l᷊annu. Titan Mawu udde atonna wuṛṛu sarangkanambone matul᷊idda.

MATIUS 3:4

I Yohanes ual᷊uṛṛen laubba wuassu wambul᷊un unta. Papeṛṛenne wuassu pisim binatangnga wuṛṛu anni tou saṛṛapalanna wuṛṛu pul᷊an ahuranganna.

AMSAL 25:27

Lal᷊eo ma'inumma pul᷊a apan nilumebbe, aroddi lai lal᷊eo tumaniten manambo maddalo.

AMSAL 16:24

Wisara masaṛṛionto'a naal᷊ihidda pul᷊a; temangnge manenengnga wuṛṛu maapia waddangnga.

AMSAL 27:7

Amungkangngu mal᷊aidda, pul᷊a lai itola; amungkangngu mal᷊unussa, iapa mapetta lai pendamanna matemangnga.

MAL᷊AṚṚUUNGNGA 14:9

I tou nangoenga pula udde ringannu limane, ana see nasal᷊a naiumanna wuṛṛu lapiddu na'inumma pul᷊a udde lai. Wua'udde i tou inaite ringannu hagurangnge ana see nangonggolu sambageanganna wuassu pula udde si mangitou, ne i mangitou niumante. Arawe i Simson tawe namasingkatta manungku pula udde nial᷊appa wuassu singa apan natete udde.

1 SAMUEL 14:27

Arawe i Yonatan wagga, manungku iamangnge buatte namansagu tumanangnge ringannu tatal᷊a udde, ana waugu udde i tou nangul᷊ukku ta'inne apan uaapidda si tou, wuṛṛu niusu'a su sal᷊akku pul᷊a, ana see nanganute pul᷊a udde wuṛṛu niinumpe. Wua'udde i tou naapendamma mal᷊uassa wuṛṛu matohasse.