AMSAL 23:31 - WUKE SUSI WATTI'U AL᷊AL᷊USASSA

³¹ Arie pabbala'a anggore mamono'a si'o, salaiwe saṛṛene tumaniten maanemma wuṛṛu aasiloanna lullendappa sulal᷊ummu halasi see mangngelekka ringannu piane sulal᷊ummu tonggol᷊anna.

AMSAL 23:31 Referans Kwoze

1 YOHANES 2:16

Al᷊awo'u saranapa sulal᷊ummu runia indi – apan ipaapulun pallal᷊agun taumata marosa, apan a'ellehanna see iannemma wuṛṛu ipamarabunga – sarangkanambone udde manga inolaanna apan tawe wuassu Ruata, ewe'e wuassu runia.

DARALO 119:37

Riagaiwe i ya'u tadea'u tawe mangenggenna pawangnge, onggol᷊ewe i ya'u wiakka tumuṛuttu apulu-Nu.

2 SAMUEL 11:2

Su sambau tempo wawallote, napawe i Daud napu'ote wua natiilla, i tou u'a'amatta su atuppu wal᷊en araratuanna apan ratakke udde. Wua' isudde i tou naasilo sangkatou wawine tantal᷊anna mandeno, wuṛṛu lai wawine udde tumaniten maṛṛamaga.

MARKUS 9:47

Amungkangngu matanu ma'arosa si'o, loetta mata udde. Mappianne i'o sumutta su Runia Wakkun Ruata tawe mata samba'a, wuassu i'o ringannu matanu ruam ba'a iramme su naraka.

AMSAL 6:25

Ariewe i'o amono'annu araṛṛamagi mangitou, arie awol᷊engannu matan mangitou apan massal᷊o'a.

AYUB 33:1

Orassa indi, ei Ayub, paddaringikke ringannu mapia-pia manga wisara'u apan ta'u iapasingkatta indi.

EFESUS 5:18

Imbaṛṛangnga i yamiu iwu'annu anggore, ana waugu udde maal᷊al᷊eo si yamiu. Arawe ṛinone i yamiu intaṛṛoannu Ghaṛṛahon Duata.

ANTARI MAWANTUGA 7:9

moṛṛongngu naal᷊ihidda atemangngu anggore! Wala'e anggore udde mangelekka ringannu arangnguangku, ringannu tawe illol᷊one; wuṛṛu mapasabbangngu apulun naungnga, ewe'e lai taumata apan tantal᷊anna mattiilla.