AMSAL 23:28 - WUKE SUSI WATTI'U AL᷊AL᷊USASSA

²⁸ I mangitou mangngampangnga ere mallaṛṛampassa wuṛṛu naaola'a manambo esakka sussandaga.

AMSAL 23:28 Referans Kwoze

MANNANASE 7:26

I ya'u naasingkatta manungku wawine mappettana wuassu papate. Darangngun bawine ere soma wuṛṛu sedda apan nariahite manemetta pabbawiakke. Laṛṛa'umme ere tal᷊i apan uaṛṛapussa masagadda. Taumata apan mappaamattu apulun Duata mal᷊iu wuassu seddane, arawe taumata marosa sarun asametanne.

1 KORINTUS 10:8

I ite tawe wotongnge ma'ola'a manga inolaanna sussandaga udde ere buatte niola'u sangkawageanganna wuassi mangitou. Ana waugu ruan pul᷊o tallu su ṛiwune taumata wuassi mangitou nate sulal᷊ummu allo massallo ana waugu ma'inolaanna ere udde.

HOSEA 4:11

Mawu nabbisara, “Ei uma-U, mawae anggore tabbe ara'e anggore apan wakku buatte napaawul᷊in atatohannu ipaṛṛingidda ringannu mapia.

AMSAL 22:14

Sasal᷊o'u wawine masandaga maoala'a sedda; taumata apan aasa'uannu Mawu umul᷊ussa sulal᷊umme.

YEREMIA 3:2

Annama'o paningngara, su manga puiddu wuidda! Tampa suapa apan taambe niddantannu inai sumandaga? Ere taumatan Arab su wadda'u anne, etearoddi lai i'o ua'ianna si winggin dal᷊anna uaṛṛaddo taumata apan uaa apulunu. I'o nalluhudda wanua indi ringannu sasandaga wuṛṛu al᷊al᷊eonu.

AMSAL 9:18

I mangitou apan naola'a pabbawiakke wagga manungku taumata apan nattembo si tou naasangkalla papatene isudde; wuṛṛu i mangitou apan buatte sinumutta sulal᷊ummu wal᷊ene, orassa indi sulal᷊umpen runian taumata nate.

REENGANNA 25:1

Tantal᷊anna walahannu Israel uatna'a su Wawal᷊annu Sitim, manga esakki mangitou mannattake sussandaga ringannu manga wawinen Moab apan uatana'a isudde.

AMSAL 6:26

Wawine masandaga wotongnge waeṛṛannu aregan anna sanlama'a, arawe sussandaga ringannu awingngu taumata waine ṛinone waeṛṛannu niawa.

PANDARIADDI 39:10

Salaiwe mamiallo awingngi Potifar massal᷊o'i Yusuf, umbasanna udde sidutu madiri matiilla suadio'a ringanni tou.

AMSAL 7:10

Wawine udde wawine apan apulune tawe matatana'a su wal᷊ene. Tal᷊angkadio'a i tou su winggiten dal᷊anna, wua'udde su leta'a mal᷊alangnga, ara'e uarisikka uaṛṛaddo su papengannu lal᷊anna. Pallal᷊agune waṛṛani wuṛṛu tawe masili. I ya'u naasilo i tou sinumabbangnga ringannu ul᷊aṛṛen laubbu wawine masandaga, wuṛṛu naisasomban umbasanna udde ringannu ṛiinna awusu.