AMSAL 23:21 - WUKE SUSI WATTI'U AL᷊AL᷊USASSA

²¹ ana waugu i mangitou sarun mabbal᷊i asiangnga. Amungkangngu i'o mangke mattiilla, ne tate lai mal᷊annu i'o sarun malluṛṛen laubba nahahesa'a.

AMSAL 23:21 Referans Kwoze

AMSAL 21:17

Taumata apan apulune mal᷊uassa sidutu sarun su awussa; taumata apan apulune maddamea, i tou sarun tawe maala.

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

GALATIA 5:21

mangngune, mabbu'anna, taṛṛa ramea wuṛṛu al᷊awo'u inolaanna waine. Sulal᷊ummu sarangkanambone udde i ya'u mapaanaungnga si yamiu orassa indi, su ereapa lai ya'u napaananungnga si yamiu rorone, manungku manga taumata apan ma'ola'a inolaanna ereudde tawe maola'a al᷊aṛṛana'u Ruata.

1 KORINTUS 5:11

Pandumangku eteudde, manungku i yamiu arie paggawen taumata apan mangnga'u watanganne taumatan Saṛṛani, arawe taumata udde masandaga, ara'e wal᷊iu, ara'e massubba paal᷊uanna, ara'e taṛṛa umbilangngu taumata waine, ara'e taṛṛa wu'anna, ara'e taṛṛa ta'o. Uma'ianna umanna ringannu taumata udde arie lai!

AMSAL 19:15

Amamalassa maaola'a taumata mattiilla mal᷊angnga, wuṛṛu panginsueanne i malassa sarun amal᷊unusanna.

TAHIUL᷊E 21:20

I mangitou ṛinone mabbisara su matatimmadu soa udde, ‘Ana'i yami indi maattikka puane, apulune lullawangnga wuṛṛu madiri tumuṛṛutta si yami; i tou mangnginsue roitta wuṛṛu taṛṛa wu'anna.’

1 KORINTUS 6:10

apan manna'o, apan wal᷊iu, apan taṛṛa wu'anna, apan taṛṛa umbilangngu taumata waine, wuṛṛu taṛṛa l᷊inga taumata waine – anambon taumata ereudde, tawe maola'a al᷊aṛṛana'u Ruata.

YOEL 1:5

Ei manga taṛṛa wu'anna, apu'ote! Ei manga taṛṛa inumma, lalluaite! Ana waugu anggore apan wakku buatte niaṛṛo wuassu moṛṛongngu.

MATIUS 11:19

Orassa indi Ana'u Taumata, nirumanta – i Tou u'anna wuṛṛu ma'inumma; see manga taumata mabbisara, ‘Pa'ellega taumata udde! Wal᷊iu, taṛṛa wu'anna, hawene maddarorongnga wose, wuṛṛu hawene taumata marosa.’ Salaiwe aroddi, apapande Ruata niatialanna wuassu manga wuane.”

AMSAL 18:9

Taumata apan tawe manginsue manarane al᷊eone nassul᷊ungngu taumata apan apulune manggohakka.

MANNANASE 10:18

Atuppu wal᷊en sarun mal᷊assutta amungkangngu tawe apianna, wuṛṛu panginsueanne wal᷊en udde maṛṛenessa sombangngu amamalassa.