AMSAL 22:9 - WUKE SUSI WATTI'U AL᷊AL᷊USASSA

⁹ Taumata apan naungnge mapia sarun al᷊amatannu Mawu, ana waugu i tou mattahia wiakka su taumata awussa.

AMSAL 22:9 Referans Kwoze

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

1 PETRUS 4:9

Ṛinone i yamiu uasasal᷊oho sangkatou ringannu waine sulal᷊ummu wal᷊enu sambau-sambau, ringannu tawe sumamboṛṛe.

WATTI'U MANGA RASUL 20:35

Sulal᷊ummu al᷊awo'u hatto, i ya'u suete nanul᷊adda si yamiu manungku ringannu mammanara maṛṛimadda ereindi, i ite ṛinone mantul᷊ungngu manga taumata lome. Ana waugu i ite ṛinone mannaungnga apa apan suete niwal᷊o Mawu Yesus, ‘Lembon su lal᷊umanna'a i ite mangonggolla, wuassu i ite manengkamma.’ ”

IBRANI 13:16

Arie ma'abul᷊i ma'ola'a apapia wuṛṛu uatatul᷊ungnga, ana waugu eteindi manga sasamba apan ma'al᷊uassa naungngu Ruata.

LUKAS 14:13

Nariaddi, amungkangngu i'o ma'ola'a andeangnga, wal᷊oite taumata asiangnga, taumata pia sangkulle, taumata lome wuṛṛu taumata wuta.

YESAYA 32:8

Arawe taumata apan mapia buddine manggol᷊agu manga inolaanna apan mapia wuṛṛu pallal᷊agune lai mapia.

AMSAL 21:13

Isai maddiri maddaringikka sasal᷊iomannu taumata apan awussa tawe daringiṛṛanna amungkangngu i tou sassane maiontolla.

DARALO 112:9

I Tou mattahia paa'alane, wuṛṛu nangonggolu darotonge su taumata asiangnga; i tou sidutu ma'ola'a apapia, ana waugu i tou uaparenta wuṛṛu aaddatanna.

AMSAL 11:25

Taumata apan apulune mangngonggolla sarun mangillembo, taumata apan apulune mantul᷊ungnga sarun itul᷊ungnga lai.

MARKUS 7:22

sussandaga, mallinga, mangngadio'a, ma'ola'a al᷊awo'u al᷊al᷊eo, wal᷊iu, tawe addanne, mangngune mawarabunga wuṛṛu masahadda pangaṛṛaanne.

MATIUS 20:15

Anio i ya'u tawe wotongnge ma'ola'a apulu'u su rarotongku? Ara'e i'o mannaungnga lal᷊eo ana waugu i ya'u mandangngu?’ ”

TAHIUL᷊E 28:56

Ewe'e lai wawine papunna apan lembon apianne pallal᷊agune wuṛṛu lembon ala taambe tawe saran paassa niumamattu ledda, sarun ma'ola'a aroddi lai. Su tempo seetta mamangalo soa, wawine udde sarun maadio'a naungnge ana waugu mal᷊unussa, na'oman sara i tou ringannu ma'imbuni uminassa anangnge apan wakkute niasungkanga wuṛṛu wabbal᷊ine. Tawe saran addio'a i tou nangonggola su awingnge apan arangnguanne ara'e su manga anangnge.

AMSAL 31:20

I tou tawe mapiikka su taumata awussa; i tou masaṛṛionto'a su taumata apan ma'itul᷊ungnga.

AMSAL 11:17

Taumata naungnge matul᷊idda mangnguntungnga watanganne; taumata maṛṛaggissa mandugi watanganne.

AMSAL 11:27

Isai maṛṛimadda ma'ola'a apapia sarun arangnguannu taumata; isai maddea'a al᷊al᷊eo, sarun aṛṛiaannu asasusa.

AMSAL 14:21

Isai mallobbossa taumata waine, na'ola'a rosa; isai apan u'akkannu taumata asiangnga, sarun mabbiakka su lal᷊umanna'a.

AMSAL 28:24

Isai manna'o darotongngu hagurangnge i tou massunna manungku udde wal᷊ine rosa, naal᷊ihidda manga taṛṛa ta'o waine.

AMSAL 28:27

Isai apan mangngonggolla taumata asiangnga sarun tawe asueanne. Isai manutubbu mata su awusu taumata asiangnga sarun awontohanna.