AMSAL 22:8 - WUKE SUSI WATTI'U AL᷊AL᷊USASSA

⁸ Taumata apan mangngasi'u linga sarun mangitingnga papate; panginsueanne taṛṛinone apan ipappaatta walate apulune sarun mawul᷊i.

AMSAL 22:8 Referans Kwoze

AYUB 4:8

I ya'u naasingkatta wuassu aellega manungku taumata apan mammajeko waillu al᷊al᷊eo, wuṛṛu mangngasi'u wualannu asasilaka maola'a wualannu sasuanna, sarun mangitingnga silaka wuṛṛu asasusa!

HOSEA 10:13

Arawe i'o na'ola'a al᷊aṛṛaene; i'o maddea'a ma'ola'a al᷊al᷊eo, wuṛṛu maddea'a pallal᷊inga. I'o buatte niumanna manga pabbawuan awusunu.” Mawu nabbisara apia, “Ei walahannu Israel, ana waugu i yamiu mangngasakku manga keretan pangalonu wuṛṛu anambon manga tantaranu,

YESAYA 30:31

Taumatan Asyur sarun massongkakka napawe maaringikka tingikku Mawu wuṛṛu mamendamma ṛuuman-Ne apan mawakkatta.

AMSAL 14:3

Ana waugu warabungane, taumata woddo apulunu mannanggakku watanganne; taumata pande sarun lu'arannu manga wisarane sassane.

DARALO 125:3

Taumata lal᷊eo sarun sidutu uataṛṛino su leta'a pussa'an taumata matul᷊idda, tadea'u taumata mapia tawe lai ma'ola'a al᷊al᷊eo.

HOSEA 8:7

Uma-U mangngasi'u anginna ne i mangitou sarun mangitingnga tandi'a! Wawail᷊annu gandummi mangitou tawe mandirikka, ne tawe maola'a taponna tadea'u annananna. Arawe amungkangngu wawail᷊anna udde mandirikka lai, ne gandumme sarun insueannu manga walahanna waine.

YESAYA 14:29

Ei walahannu Filistin, pal᷊o-pal᷊o apan ipappaatta ipamuulla si'o napaddite. Arawe arie i'o lumuassa, ana waugu amungkangngu atoanna sambau nate, atoanna apan nangillembon al᷊eoanne lai rumanta mallol᷊ossa si tou, wuṛṛu tallukku atoanna mangngissa'u naga pia papaidde.

YESAYA 10:5

Mawu nabbisara, “Nasilakate Asyur! Asyur Ta'u ipaatta maola'a sambokka wuṛṛu pal᷊o-pal᷊o ipamuulla manga taumata apan niaṛṛinoannu asasa'u-U.

YESAYA 9:4

Sapatun tantara apan tuttaraddalla wuṛṛu laungnge apan napenen daṛṛa, sarun masue iepoddu putungnga.

AMSAL 1:31

Ana waugu udde, i yamiu sarun maapendamma pangillul᷊eannu manga inolaannu wuṛṛu manga hol᷊agu apan dal᷊eo.

YESAYA 10:25

Sulal᷊ummu tempo apan mal᷊ihakka asasa'u-U si yamiu sarun iillol᷊o, see i Ya'u sarun makkadda'a si mangitou.