AMSAL 22:6 - WUKE SUSI WATTI'U AL᷊AL᷊USASSA

⁶ Aṛṛa'ete sangkatou ana'a sambau lal᷊annu pabbiaṛṛanna apan ṛinone si tou, ne maddatingngu i tou matimmade i tou sarun mabbiakka aroddi.

AMSAL 22:6 Referans Kwoze

EFESUS 6:4

Manga tuṛṛangnga apan naola'a iamangnga! Imbaṛṛanga walate apulu ma'inolaanna al᷊aṛṛanangngu, ma'oman sara naungngi mangitou masa'u. Arawe paddul᷊ianete i mangitou ringannu mapia wuṛṛu ringannu al᷊aṛṛa'u Mawu.

TAHIUL᷊E 6:7

Tantiroa'e udde su manga anangngu. Ṛinone udde ihatton kamiu sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

1 SAMUEL 1:28

ne ana waugu udde ana'a indi ta'u itantilla maola'a pussaan Mawu su al᷊o'engngu pabbiaṛṛanne.” Wua'udde i mangitou nattaṛṛamawute naddalo Mawu.

1 SAMUEL 2:26

Arawe i Samuel, ana'a udde, a'atambanna ahewalle wuṛṛu lembon ipa apulu, mawae ete Mawu, aroddi lai anambon taumata.

TAHIUL᷊E 11:19

Tantiroa'e su al᷊aṛṛanangngu. Pagattoa'a sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

MAL᷊AṚṚUUNGNGA 13:12

Ana see i Manoah naiwal᷊o, “Amungkangu apa apan niwal᷊on Tuanga udde nariaddite, apate ṛinone olaannu ana'a udde? Wuṛṛu ereapa pabbiaṛanne su allo sal᷊immurine?”