AMSAL 22:29 - WUKE SUSI WATTI'U AL᷊AL᷊USASSA

²⁹ I'o buatte naasilo sangkatou taumata pande mammanara manarane? Taumata udde sarun iapamanara su wal᷊en manga ratu, wal᷊ine su wal᷊en taumata wiasa.

AMSAL 22:29 Referans Kwoze

1 MARARATU 11:28

Yerobeam mammanara isudde lai. Sutempo i Salomo naasilo manungku Yerobeam masingkatta mammanara wuṛṛu maṛṛimadda, i tou nangonggolla si tou winabbawa iapariagga manara wata'a su wageangngu ṛuanganni Manasye wuṛṛu i Efraim.

MATIUS 25:21

‘Mapia,’ unnu mawu udde, ‘ete i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun manantillu anamboanne si'o. Suttate wuṛṛu lalluasse ringangku!’

AMSAL 12:24

Araṛṛimadda maaola'a taumata pia taṛṛinone; amamalassa mammata'u taumata maola'a allangnga.

AMSAL 10:4

Taumata malassa sarun maola'a asiangnga; taumata maṛṛimadda sarun maala.

MATIUS 25:23

‘Mapia,’ unnu mawu udde, ‘i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun mangagillu anamboanne si'o. Suttate wuṛṛu lalluasse ringangku!’

MANNANASE 9:10

Pammanarate al᷊awo'u manaranu ringannu anambon auatannu. Ana waugu sal᷊immurine tate lai ṛingiranna wuṛṛu manara. Tate apende wuṛṛu asingkatta su runian taumata nate. Wuṛṛu ete poiaroddi i'o sarun inai.

ROMA 12:11

Pammanarate ringannu maṛṛimadda. Arie mangkete wolo'a. Pammanara su Mawu ringannu atatohassa wuassu Ghaṛṛahon Ruata.

1 MARARATU 10:8

Lal᷊umanna'awe eteapa manga awingngi Tuangnga! Wuṛṛu al᷊uassawe eteapa manga mammamanara apan sidutu mammanara hunan Tuangnga na'oman sara wotongnge maaringikka wuassi Tuangnga sassane al᷊awo'u al᷊aṛṛa'a apan maapande!

2 TIMOTIUS 4:2

Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.

PANDARIADDI 47:6

Ola'e wanua Mesir indi naal᷊ihidda wanuanu sassane. Wala'e i mangitou mamanua su wageangngu leta'u Gosyen, leta'a apan apianne su wanua indi. Wuṛṛu doloṛṛa'e taumata apan pia asingkanne mammanara mammadul᷊i winatangnga papadul᷊ianangku.”

1 SAMUEL 16:21

Etearoddi i Daud nirumanta ringanni Saul wuṛṛu naola'a mangangimbene. I tou lembon arangnguanni Saul wuṛṛu nipile naola'a mangangapiddu ahidde.

AMSAL 23:1

Napawe i'o uma'ianna umanna ringannu sangkatou tembonanne, paanungete isai i tou.

PANDARIADDI 41:38

Ana see ratu nabbisara si mangitou, “I ite tawe maasomba taumata waine apan botongnge maasampal᷊iu si Yusuf, ana waugu i tou aehetannu ghaṛṛahon Duata.”

1 SAMUEL 17:31

Arawe manga pira taumata apan naaringikka wisaran Daud, namasingkatta si Saul, nariaddi i Daud niwagoanni Saul niapasaruanna si tou.

2 SAMUEL 2:32

Wua'udde i Yoab wuṛṛu tantarane namasanna winal᷊unanni Asael wuṛṛu nilabbinga su labbingu ṛuanganne su Betlehem. Ana see i mangitou u'amatte saṛṛabbi tuudda wuṛṛu na'omate su Hebron maraninnallo.

1 TAWARIKH 4:23

I mangitou sarangkanambone mallal᷊anginnu pangangadoannu ua'e tinaṛṛiti wuṛṛu wensaddu ratu apan uatana'a su soa Netaim wuṛṛu Gedera.

DANIEL 1:4

I mangitou ṛinone manga umbasanna apan tawe sangkulle. I mangitou ṛinone maṛṛamaga, matanggakka si'ol᷊ane, pande wuṛṛu assingkanne manambo see lai wotongnge mammanara sulal᷊ummu wal᷊en araratuanna. Aspenas ṛinone manantiro si mangitou mabbasa wuṛṛu mamoṛṛettu sinaukku Babel.

DANIEL 1:19

Napawe uahahattote ringanni mangitou sarangkanambone, ratu naasingkatta manungku i Daniel, Hananya, Misael wuṛṛu Azarya nangillembo wuassi ngana'a waine sulal᷊ummu al᷊ummu al᷊awo'u manara. Ne i mangitou nanattakke mamanara sulal᷊ummu wal᷊en araratuanna.