AMSAL 22:23 - WUKE SUSI WATTI'U AL᷊AL᷊USASSA

²³ Ana waugu, Mawu sarun manamba'a hatton mangitou wuṛṛu manawutta niawan taumata apan mangngallanga si mangitou.

AMSAL 22:23 Referans Kwoze

DARALO 140:12

Wala'e taumata apan ma'ola'a pabbawawul᷊o aṛiaannu asasilaka, arie pabbala'a taṛṛa al᷊uandaga uatana'a su runia.

DARALO 12:5

apan mabbisara, “I yamiu uataṛino ringannu lilan kami! Walate i yami mabbisara, wuṛṛu tawedu wotongnge manal᷊are!”

AMSAL 23:11

Ana waugu, Mawu udde mananamba'a apan matohassa ete i Tou apan manamba'a si mangitou lumawangnga si'o.

YEREMIA 51:36

Ana waugu udde Mawu nabbisara su tumana'u Yerusalem, “I Ya'u sarun manahekku hattonu wuṛṛu mabbal᷊issa inolaannu manga seennu si'o. Manga al᷊imatang kua'e wuṛṛu manga sal᷊ukku Babel sarun Ta'u iapaamara.

1 SAMUEL 25:39

Sutempo i Daud naaringikka manungku i Nabal natete, i tou nabbisarate, “Dalo su Mawu! I Tou buatte nabbal᷊issa aal᷊uandaga apan buatte niola'i Nabal si ya'u, wuṛṛu buatte namo'a allangngu indi ma'ola'a al᷊al᷊eo. Mawu buatte nakkuumanni Nabal ana waugu al᷊al᷊eone.” Wua'udde i Daud nandolokku daroloṛṛanna iapa'onokka si Abigail maola'a awingnge.

DARALO 35:10

Ringannu ahewallu naungnga i ya'u nabbisara, “Mawu, I'o tawe sul᷊ungnge! I'o namallossu taumata lome wuassu taumata matohassa, iapa asiangnga wuṛṛu susa wuassu mananansarane.”

DARALO 43:1

Onggol᷊eten atatul᷊idda si ya'u, oh Ruata, sambaaite i ya'u su saruannu walahanna apan dal᷊eo. Liuaawe i ya'u wuassu taumata lal᷊eo wuṛṛu taṛṛa wahia.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

MIKHA 7:9

I ite narosate su Mawu, ana waugu udde orassa indi i ite ṛinone mamendamma asasa'u-Ne. Arawe tate mal᷊annu lai i Tou sarun manamba'a si ite wuṛṛu mangonggollu atatul᷊idda si ite. i Tou sarun mangapiddi ite sumabbangnga watukku asasemakka; i ite sarun maapendamma sassane manungku i Tou nanal᷊amatta si ite.

YEREMIA 50:34

Arawe i Ya'u mananal᷊amatti mangitou udde matohassa, arang-Ku Mawu Apan Lembontaṛṛino. Ete i Ya'u sassane apam nangesakku hatto mangitou wuṛṛu nangapiddu paddarame su wowon dunia. Arawe su taumatan Babel i Ya'u sarun mandantan pabbawawul᷊o wuṛṛu atata'utta.”

HABAKUK 2:8

I'o buatte nangaṛṛo manambo walahanna, arawe manga walahanna apan naal᷊assangnga sarun mangaṛṛo si'o, ana waugu pamamate apan buatte niolangngu, wuṛṛu ana waugu araṛṛagissa apan buatte niolangngu su manga wanua, manga soa wuṛṛu tumanangnge.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

DARALO 68:5

Pangantarite su Ruata, paddalote aran-Ne, saddiaite lal᷊anna mal᷊alangnga si Tou apan uasa'e winabbawa. Aran-Ne Mawu – lalluasse su saruan-Ne!

DARALO 35:1

Daralon Daud. Mawu, ro'apete taumata apan lullawangnga si ya'u, pangaloite taumata apan mammangalo si ya'u.

1 SAMUEL 24:12

Pa'ellege, Iamangku! Pa'ellege piṛṛissu juban Tuangnga niponggo'a apan aagasannu allangngu indi! Allangngu wotongnge mamate si Tuangnga, arawe allangngu tumba'u namonggo'a addio'a pentakku juban Tuangnga. Nariaddi nasemakke manungku alangngu tawe pandumma lal᷊eo ara'e mamate. I Tuangnga mangngenggenna mamate allangngu, salaiwe allangngu tawe sal᷊ane saran kadio'a su saruanni Tuangnga.

1 SAMUEL 24:15

Pa'ellege allangngu indi apan sarun pateannu ratun Israel! Pa'ellege allangngu indi apan sidutu a'enggenanne! Allangngu tumba'u sambau asu apan nate, tumba'u ere utu.

SASABANGNGA 22:22

Imbaṛṛangnga ma'ola'a wawine wal᷊u ara'e ana'a asisitimpal᷊ussa ringannu walate apulu.

SASABANGNGA 22:23

Amungkangngu i yamiu mandal᷊eo si mangitou, i Ya'u, Mawu sarun maddaringikka si mangitou napawe i mangitou sumal᷊ande maiontolla si Ya'u.

DARALO 12:6

Wisaran Mawu, “Taumata asiangnga a'umpisananna wuṛṛu taumata susa sussal᷊iomanna. Ne orassa udde lai i Ya'u rumanta mangonggolu langnganna apan aantimanni mangitou.”

DARALO 103:6

Mawu napaamattu tita wuṛṛu atatul᷊idda su anambon taumata apan niallangnga.

DARALO 140:13

I ya'u masingkatta I'o nangonggolu atatul᷊idda su taumata apan niallangnga, wuṛṛu nanamba'a hatton taumata asiangnga.

AMSAL 21:7

Taumata lal᷊eo maddiri tumuṛṛutta tita; i tou nasansaran araṛṛaginne sassa.

YEREMIA 30:16

Arawe orassa indi sarangakanambone apan nangaluppa si'o sarun allupanna, wuṛṛu anambon seennu sarun ṛootanna su pamuanganna. I Ya'u sarun mangallanga iangana'a apan nangallanga si yamiu, i Ya'u sarun mangaṛṛo si sai apan nangaṛṛo si yamiu.