AMSAL 21:31 - WUKE SUSI WATTI'U AL᷊AL᷊USASSA

³¹ Salaiwe pangalo riahiannu ringannu awal᷊on pangalo, apan manantunnu auntunganna tumba'u Mawu.

AMSAL 21:31 Referans Kwoze

DARALO 20:7

Orassa indi i ya'u masingkatte manungku Mawu nangonggolu auntunganna su ratu apan nipile-Ne. Mawu sinumimbakka si tou wuassu surga-Ne apan susi; ringannu taṛṛinon Mawu i tou naasomba auntunganna wahewalla.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

DARALO 147:10

Apuluannu Mawu wal᷊inewe awal᷊o apan matohassa; wal᷊ine lai tantara apan waṛṛani.

DARALO 68:20

Paddalote Mawu, ana waugu ete i Tou Ruata apan nanal᷊amatta si ite; wuassu allo maddatingu allo i Tou uapasanna winabbawan kite.

DARALO 3:3

Manambo lai mabbisara manungku Ruata tate mantul᷊ungku.

DARALO 3:8

Sal᷊amatewe i ya'u, oh Mawu Ruata'u, ṛuumana'a wuṛṛu pal᷊omea'a anambon see'u.

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

DARALO 144:10

I'o nangonggolu auntunganna su manga ratu, wuṛṛu namallossi Daud allang-Ngu.

YEREMIA 3:23

Mangke suadio'a i yami mangngelekka massubba paal᷊uanna su manga puiddu wowone! Aontolla su Israel tumba'u darantane wuassu Mawu Ruatang kami.

1 KORINTUS 15:57

Arawe aadiangkamanna su Ruata; i Tou nangonggolu auntunganna sulal᷊ummi Yesus Kristus Mawun kite.

2 SAMUEL 23:12

Arawe i Sama sidutu uapapangalo, namate wuṛṛu namaddon taumatan Filistin, na'oman sara naataṛṛangnga wawail᷊anna udde. Etearoddi Mawu nangonggollu auntunganna apan wahewalla.

DARALO 20:8

Pia taumata mangngasakku keretan pangalone, piaddu lai mangngasakku kudane. Arawe i ite mangngasakku taṛṛinon Mawu, Ruatan kite.