AMSAL 21:20 - WUKE SUSI WATTI'U AL᷊AL᷊USASSA

²⁰ Taumata pande sidutu uatatana'a su al᷊al᷊uassa wuṛṛu su paa'ala; arawe taumata woddo mabbasabbangngu darotongnge tawe deenganne.

AMSAL 21:20 Referans Kwoze

DARALO 112:3

Amonanne sarun maala wuṛṛu su pabbawiakke, wuṛṛu i tou sarun su lal᷊umanna'a saran mal᷊annu-l᷊annu.

MANNANASE 5:19

Ruata namene naungngu taumata udde ringannu al᷊al᷊uassa, ne i tou tawe suminggawangnga maṛṛingiddu ola'u pabbiaṛṛanna apan maautta indi.

MANNANASE 7:11

Taumata wiakka ṛinone pia asingkatta; lal᷊oṛṛon asingkatta uasul᷊ungngu pussa'a;

AMSAL 15:6

Su wal᷊en taumata mapia pia manambo darotongnga; paa'alan taumata woddo nawul᷊in asasilaka.

AMSAL 10:22

Ana waugu tumba'u al᷊amattu Mawu taumata nabbal᷊i ala; mammanara maṛṛimadda tawe maatamba darotongnga.

LUKAS 16:1

Mawu Yesus nabbisara mallal᷊aṛṛenggen-Ne, “Pia sangkatou taumata ala. I tou pia sangkatou mangangadon roitta apan mangngatokku pa'a'alane. Taumata ala udde naasomba alae manungku mangangadon roitta mangnginsue roinne.

LUKAS 15:14

Napawe roinne udde nasuete, nariaddite su wanua udde ṛutumma apan wahewa, na'oman sara i tou nasusate.

DARALO 23:5

I'o nanaddia andeangnga si ya'u su saruannu matan see'u. I'o nanal᷊oho si ya'u naola'a raho apan aaddatanna. I'o nanaru si ya'u ua'e apan mangkatemanga manambo-nambo.

LUKAS 6:45

Taumata mapia mapasabangngu pallal᷊agu mapia ana waugu naungnge napenen apapia. Taumata pallal᷊agune lal᷊eo mapasabangngu inolaanne lal᷊eo ana waugu naungnge napenen al᷊al᷊eo. Ana waugu apa apan suete niwisara moṛṛongnga udde sinabanganne wuassu naungnga.”

MATIUS 25:8

Manga maṛṛuala woddo udde nabbisara su maṛṛuala pande, ‘Onggol᷊ewe lanang kamiu addio'a si yami, ana waugu sol᷊ong kami mappadumpe.’

MANNANASE 10:19

Andeangnga maaola'a lal᷊agge, wuṛṛu anggore maaola'a lal᷊ala'a. Salaiwe tawe doitta iapamaekka.

AYUB 20:18

Al᷊awo'u auntunganne sarun iapawelengnge; ul᷊en inasaharanne sarun tawe atemmanne.

AYUB 20:15

Darotongnga nita'o apan niallumme, niwata'a nimutane; Ruata napassabbangnga wuassu tianne.

AMSAL 8:21

Taumata apan mandangngu si ya'u, ta'u olaanna ala; wal᷊ene ta'u paneannu darotongnga.

AMSAL 14:24

Taumata pande raddaloanna ana waugu apapandene, taumata woddo tinumelengnga ana waugu awawoddone.

AMSAL 22:4

Taumata apan ma'imanna Mawu wuṛṛu sussallungngu watanganne, sarun su lal᷊umanna'a, mal᷊uassa wuṛṛu aaddatanna.