AMSAL 20:3 - WUKE SUSI WATTI'U AL᷊AL᷊USASSA

³ Tumba'u taumata woddo apan maapulu matatiakka; pallal᷊agu apan raddaloanna eteudde mangindaun patatiakka.

AMSAL 20:3 Referans Kwoze

AMSAL 16:32

Mal᷊annu masa'u mappianne wuassu pia taṛṛino; maaul᷊inna watanganne mappianne wuassu uaparenta sambau soa.

AMSAL 17:14

Manattakku patatiakka udde naal᷊ihidda namaassa lal᷊annu ua'e; ana waugu soṛṛote tantal᷊anna patatiakka taambe nanattakka.

EFESUS 4:32

Arawe ṛinone naungngi yamiu waresi wuṛṛu uaa'akkana sangkatou ringannu waine, wuṛṛu uaaonggolu ampunga ere lai Ruata nangampunga si yamiu sulal᷊ummi Kristus.

AMSAL 19:11

Taumata pande wotongnge maaṛṛaddannu asasa'une. I tou raddaloanna ana waugu tawe mandeengngu pasasal᷊an taumata si tou.

AMSAL 14:29

Taumata pande tawe mal᷊ihakka masa'u; taumata woddo tawe ma'ul᷊inna watanganne.

YAKOBUS 4:1

Wuassuapa darantane al᷊awo'u pabbawawul᷊o wuṛṛu pattatiakka su wallatti yamiu? Wal᷊inewe udde nirumanta wuassu manga apulunu apan siddutu uawawul᷊o sulal᷊ummu ririnu ana see maasomba al᷊al᷊uassu runia!

AMSAL 18:6

Amungkangngu taumata woddo mabbisara, i tou mandantan pattatiakka wuṛṛu nipuulla.

YAKOBUS 3:14

Arawe amungkangu i yamiu taṛṛa l᷊uadda, naungnge lal᷊eo, wuṛṛu maṛṛingiddu ririnu sassane, arie mamarabungan apande udde, ana waugu ringannu udde i yamiu mammal᷊elongngu watti'a mapia wuassu Ruata.

AMSAL 21:24

Taumata mawunga wuṛṛu naungnga matanggakka apulune mappasal᷊a wuṛṛu tawe atoranne.

AMSAL 14:17

Taumata apan taṛṛa rona ma'ola'a awawoddo; taumata pande masabbare.

2 MARARATU 14:9

Arawe i Ratu Yoas nangirimmu sasimbakke indi, “Susambau tempo nannal᷊o ṛoaanna wuassu Panenteannu Libanon nangirimmu watti'a indi su alu cemara, “Ei alu cemara, onggol᷊a'e anangngu maṛṛuala su ana'u tadea'u maola'a awinge.” Arawe wua'udde sinumabbite isudde sambau winatangu ahuranganna wuṛṛu nakkinda nannal᷊o ṛoaanna udde.

PANDARIADDI 13:7

Ana see nariaddite pattatiakka su wallatu mallal᷊u'addi Abram wuṛṛu mallal᷊u'addi Lot. (Su tempo udde taumatan Kanaan wuṛṛu taumatan Feris ta'e uatana'a su leta'a udde).

PANDARIADDI 13:8

I Abram nabbisara si Lot, “Iaddua indi sangkatuṛṛangnga, dal᷊eo amungkangngu manga taumatanu wuṛṛu manga taumata'u uatatiakka.

AMSAL 26:17

Taumata apan ma'ilal᷊o'an batanganne sulal᷊ummu patatiakka apan wal᷊ine hattone naal᷊ihidda taumata apan mannametta asu matengnga su tal᷊ingane.