AMSAL 20:25 - WUKE SUSI WATTI'U AL᷊AL᷊USASSA

²⁵ Paṛṛingidda paapia-pia tantal᷊anna taambe maddiandin sasamba su Mawu. Wotongnge mariaddi i'o sarun sumassilla sal᷊immurine.

AMSAL 20:25 Referans Kwoze

MATIUS 5:33

“I yamiu masingkatta manungku iupungngu al᷊amonang kite pia al᷊aṛṛa'a ereindi: Arie pangawusu. Apa apan suete nipa'irenu ringannu pasasalu su saruannu Ruata, ṛinone udde olaannu.

IMAMATTA 5:15

Amungkangngu pia sangkatou ringannu tawe nipattatudda na'ola'a rosa ana waugu wolo'a sulal᷊ummu manantillu manga sasamba apan itattitan Mawu, ne taumata udde ṛinone mangapiddu sasamba ipallana'a arugianna. Sasamba udde ṛinone sambau domba ara'e ambinga esakka apan tawe sangkulle, wuṛṛu niarega tumuṛṛuttu arega apan ipappaatta su Rasanna Mawu.

AMSAL 18:7

Wisaran taumata woddo maawinasa watanganne; i tou niasongngan bisarane sassane.

AMSAL 18:13

Sumimbakka tantal᷊anna taambe naddaringikka eteudde inolaanna apan longonna wuṛṛu iapaasal᷊a.

MANNANASE 5:2

Lembon sussinggawanga, lembon bahewalla pendamanna maasomba wal᷊iawa lal᷊eo. Lembon manambo mabbisara, lembon wahewalla pendamanna mapasabbangngu manga wisara awusu.

TAHIUL᷊E 23:22

I yamiu tawe marosa amungkangngu tawe naddiandin Mawu.

TAHIUL᷊E 23:23

Arawe amungkangngu i yamiu ringannu apulun naungngu maddiandin Mawu Ruatanu ṛinone i yamiu manipussa riandi udde.

TAHIUL᷊E 23:24

Amungkangngu i yamiu tantal᷊anna u'amatta su waillu anggoru taumata waine, i yamiu wotongnge umanna wuan anggore walate apulun kamiu, arawe imbaṛṛangnga mangalludda itaṛṛo su so'anna.

MAL᷊AṚṚUUNGNGA 21:22

Amungkangu iamanga ara'e tuṛangnge esakka rumanta wuṛṛu mangul᷊e si tou, i yamiu wotongnge mabbisara, ‘Yami sumal᷊ande, wala'e i mangitou ringanni yami. Yami tawe nangaṛo si mangitou sulal᷊ummu pangalo. Wuṛṛu ana waugu i yamiu tawe nangonggoli mangitou si yami, yami tawe nilumawangnga pa'aire, nariaddi tawe sal᷊ane.’ ”