AMSAL 20:19 - WUKE SUSI WATTI'U AL᷊AL᷊USASSA

¹⁹ Taumata apan mal᷊uassa ma'umbilangngu taumata waine, tawe mapangaddapingnga; imbaṛṛangnga maggawen taumata apan matal᷊imoṛṛonganna.

AMSAL 20:19 Referans Kwoze

AMSAL 11:13

Mananal᷊iawukku watti'a awusu tawe maaṛṛapa addappingnge, arawe taumata apan apangimananna wotongnge maaddapingngu hatto.

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

AMSAL 18:8

Aal᷊uandaga udde matemangnga pendamanna; taumata apulune mangalluppa.

AMSAL 13:3

Taumata apan maaddunna sulal᷊ummu wisarane sarun mal᷊angnganna wiakke; taumata apan walate wisarane sarun aṛṛiaannu asasilaka.

IMAMATTA 19:16

Imbaṛṛangnga manal᷊iawukku hahelo suwallatu sambalahannu, tadea'u i yamiu tawe maapate taumata sansul᷊ungngu. Ete i Ya'u Mawu.

AMSAL 24:21

Ana'u, ata'uten Mawu, wuṛṛu pangaddate ratu. Arie pallaṛṛenggennu taumata lal᷊eo apan lullawangnga si mangitou.

AMSAL 16:29

Taumata maṛṛagissa mallinga manga hawene, wuṛṛu mangapiddi mangitou sulal᷊ummu asasilaka.

DARALO 101:5

Taumata apan mangngal᷊uandaga ringannu mal᷊annabba, sarun ta'u pateanna. Taumata apan mawunga wuṛṛu naungnge matanggakka tawe ta'u iwala aroddi.