AMSAL 20:13 - WUKE SUSI WATTI'U AL᷊AL᷊USASSA

¹³ Taumata apan taṛṛa atiilla sarun maasiangnga. Taumata apan maṛṛimadda mammanara uatahuanna manambo anna.

AMSAL 20:13 Referans Kwoze

AMSAL 19:15

Amamalassa maaola'a taumata mattiilla mal᷊angnga, wuṛṛu panginsueanne i malassa sarun amal᷊unusanna.

ROMA 12:11

Pammanarate ringannu maṛṛimadda. Arie mangkete wolo'a. Pammanara su Mawu ringannu atatohassa wuassu Ghaṛṛahon Ruata.

AMSAL 12:11

Mabbawailla apan marassaga pia biakke manambo, arawe taumata apan mangnginsue tempone su manara tawe gunane uddewe taumata woddo.

AMSAL 10:4

Taumata malassa sarun maola'a asiangnga; taumata maṛṛimadda sarun maala.

AMSAL 13:4

Iapa malassa apulune manambo arawe saran sambau tawe naompaanne; taumata apan mammanara maṛṛimadda maasomba sarangkanambone apan ipaapulune.

2 TESALONIKA 3:10

Su tempo i yami ta'e uatana'a su pattanganni yamiu, i yami nangonggolu atoranna indi, “Taumata apan maddiri mammanara, tawe wotongnge umanna.”

ROMA 13:11

Su liuddu sarangkanambone udde i yamiu maasingkata manungku tempo indi eteudde temponu mapu'o wuassu atatiilla. Ana waugu tempone i ite iapaasal᷊amatta maranite orassa indi, wuassu i ite wakkute mannattaka mangngimanna.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

YUNUS 1:6

Sutempo apitennu apalla udde nilumintukka wowane, i tou naasangkalla si Yunus isudde tantal᷊anna mattiilla. Ana see i tou nabbisara, “Ṛatadde i'o wotongnge maatiilla su lal᷊ummu olangnge arendi! Otte pabbangunte! Aal᷊iomante su mongannu pa'iontolla. Isai masingkatta i tou sarun umakkanni ite ma'oman sara i ite tawe mate.”

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

AMSAL 20:14

Mamamalli sidutu sussal᷊iomannu aregga masaggadda. Arawe napawe buatte namalli lulluassa ringannu aregga apan niasombanganne.

AMSAL 28:19

Mabbawailla apan mammanara maṛṛimadda sarun masuungnga wiakke; taumata apan mandammen tempo sarun su awussa.

AMSAL 31:15

Marua allo maṛṛanggappa i tou napu'ote manaddia annu lal᷊oṛṛon bal᷊ene, wuṛṛu mattahia manaran manga allangnge.