AMSAL 2:9 - WUKE SUSI WATTI'U AL᷊AL᷊USASSA

⁹ Amungkangu i'o matuṛṛutta si ya'u, ana'u, i'o sarun maasingkatta sarangkanambone apan matul᷊idda, tawe awusune wuṛṛu mapia. I'o lai sarun maasingkatta ereapa lal᷊anne i'o mabbiakka.

AMSAL 2:9 Referans Kwoze

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

DARALO 119:99

Pasasunna'u nangillembo wuassu pasasunnan manga huru'u, ana waugu i ya'u maṛingiddu manga parenta-Nu.

DARALO 32:8

Wisaran Mawu, “I ya'u sarun mamantingidu lal᷊anna apan amatannu, i'o sarun Ta'u ehetanna wuṛṛu Ta'u tantiroanna.

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

DARALO 119:105

Ṛengetan-Nu uddewe sasol᷊oanna su lempangku, semakka ipangngututta amatangku.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

AMSAL 28:5

Atatul᷊idda tawe asunnannu taumata lal᷊eo, arawe taumata apan massubba Mawu, atonna-tonna maasunna.

DARALO 25:12

Taumata mangngaṛṛa'a taumata mangngimanna lal᷊anna apan ṛinone amatanni mangitou.

AMSAL 4:12

Amungkangngu i'o mabbiakka aroddi, ne tawe sal᷊awangnge sutempo u'amatta, wuṛṛu sarun tawe itara sutempo tuttutal᷊angnga.