AMSAL 2:7 - WUKE SUSI WATTI'U AL᷊AL᷊USASSA

⁷ Su taumata apan matul᷊idda wuṛṛu tawe sangkulle, i Tou niumontolla wuṛṛu nanillumma.

AMSAL 2:7 Referans Kwoze

AMSAL 30:5

Ruata nanipussu suapan paaire-Ne. I tou naal᷊ihidda allungnga su sarangkanambone apan uatillumma si Tou.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

1 KORINTUS 1:19

Ana waugu sulal᷊ummu Wuke Susi, Ruata nabbisara, “Apapanden taumata pia asingkanne sarun Ta'u isongkakka, wuṛṛu pasasunna manga taumata pia si'ol᷊ane Ta'u iapaawul᷊i.”

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

AMSAL 28:18

Taumata apan mabbiakka ringannu tawe sangkulle sarun masal᷊amatta. Taumata apan u'al᷊iwu wiakke, sarun manawo.

AMSAL 14:8

Taumata pande masingkatta ereapa ṛinone mammanara, taumata woddo niawusuannu awawoddone.

KOLOSE 2:3

Ete Kristus apan nani'attu al᷊awo'u apande wuṛṛu asingkattu Ruata apan dorone uawuni.

DARALO 144:2

Ete i Tou matatul᷊ungku wuṛṛu mangangambangku, mananal᷊ama'u tampa i ya'u uasirungnga. I Tou mallal᷊ua'u, tampa tatal᷊angangku, manga walahanna niapasuṛubawa-Ne si ya'u.

1 KORINTUS 1:24

Arawe su taumata apan buatte niwagoannu Ruata – mawae ete taumatan Yahudi ara'e wal᷊ine Yahudi – watti'a udde maola'a lal᷊annu Ruata mapaal᷊iatta'u taṛṛino wuṛṛu apande-Ne.

AMSAL 8:14

Ete i ya'u apan nangonggollu tatantiro sulal᷊ummu naungnga. Wuṛṛu i ya'u lai apan napal᷊iatta'a. I ya'u pande wuṛṛu lai matohassa.

AYUB 28:8

Taambe saran paassa singa ara'e winatangnga mal᷊aṛṛaga waine sinumabbi su lal᷊anna mal᷊annabba apan matudda poiaroddi.

DARALO 3:4

Arawe I'o, oh Mawu, naola'a allunga apan ual᷊indumma si ya'u. I'o nangonggolu auntunganna si ya'u, wuṛṛu nalluassa naungku.