AMSAL 2:6 - WUKE SUSI WATTI'U AL᷊AL᷊USASSA

⁶ Tumba'u Mawu apan mangonggollu asingkatta; ete wuassi Tou taumata maasomba apande wuṛṛu pasasunna.

AMSAL 2:6 Referans Kwoze

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

DARALO 119:98

I ya'u sidutu uanaungnga parenta-Nu, apan naaola'a si ya'u lembon mappandeanna wuassu manga see'u.

AYUB 32:8

Arawe apan nangonggollu asingkatta su taumata, tumba'u Ghaṛṛahon Duata Apan Lembontaṛṛino.

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

YESAYA 54:13

Anambon tumanangngu nabbal᷊i mallal᷊aṛṛenggeng-Ku, i mangitou sarun tawe su awussa ewe'e su lal᷊umanna'a.

YOHANES 6:45

Sulal᷊ummu Wuke Manga Nabi uawoṛṛetta arendi, ‘Anambon taumata sarun tantiroannu Ruata.’ Nariaddi anambon taumata apan madaringikka Iamangnga wuṛṛu mangngurumma wuassi Tou, rumanta ringang-Ku.

1 MARARATU 3:12

ne darorongngu udde sarun Ta'u suunganna. I Ya'u sarun ma'ola'a si'o lembon masingkatta wuṛṛu lembon pia apande wuassu anambon taumata, mawae sutempo nangkal᷊iu ara'e lai sutempo addantane.

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

DARALO 119:104

Manga tita-Nu nangonggolu pasasunna si ya'u, na'oman sara i ya'u maddantinnu pallal᷊aghu lal᷊eo.

DANIEL 2:23

Oh, Ruata raddaloannu al᷊amona'u, I'o ta'u raloanna wuṛṛu ta'u wantuhanna. Ana waugu I'o nangonggolla si ya'u asingkatta wuṛṛu atatohassa. Darorongngi yami buatte niraringiṛṛan-Nu, wuṛṛu sasimbakka su ratu buatte niwal᷊o-Nu.”

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

1 MARARATU 4:29

Ruata nangonggolla si Salomo asingkatta, wuṛṛu apande apan tumaniten bahewalla, see pasasunna apan tumaniten mal᷊al᷊umma.

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

AMSAL 6:23

Manga tatantiron hagurangngu naal᷊ihidda sol᷊o apan masemakka; tataghun mangitou mannantiro si'o su lal᷊annu pabbiaṛṛanna apan mapia.

DARALO 19:7

I Tou mammal᷊intaddu langitta wuassu pentakke saran pondole; taweddu naatal᷊angnga wuassu sal᷊ihamme.

1 MARARATU 3:9

Ana waugu udde, Mawu, onggol᷊aawe si ya'u asingkatta apan ta'u pappandumanna ipamarenta uman-Nu indi ringannu atatul᷊idda wuṛṛu tadea'u masingkatta mamile suapa apan mapia wuṛṛu suapa apan dal᷊eo. Amungkangngu tawe aroddi, ereapa wotongnge i ya'u mamarenta uman-Nu apan wahewalla indi?”

SASABANGNGA 31:3

wuṛṛu i Ya'u nangonggolu taṛṛino si tou. I tou Ta'u nionggol᷊annu asingkatta, apande wuṛṛu atatohassa sulal᷊ummu al᷊awo'u hatin manara mangnguitta;

1 TAWARIKH 22:12

Wuṛṛu antimanna Mawu Ruatanu mangonggolu asingkatta wuṛṛu pasasunna si'o ipamarenta Israel uasul᷊ungngu manga tita-Ne.

NEHEMIA 7:5

Ana waugu udde Ruata nangonggollu ṛingiranna si ya'u tadea'u mangammullu tumana'a wuṛṛu manga piaṛṛa'a see tembonanne, tadea'u wotongnge mandeengngi mangitou ringannu pinangiananne wuassu wa'en mangitou. Su tempone udde buatte ta'u niasangkal᷊anna woṛṛetta su ola'u manga taumata apan paarorone nawelengnga wuassu pamamuanganna. Manansunna indi tal᷊aane apan ta'u niasombanganna wuassu woṛṛetta udde:

AYUB 22:22

Sengkampe sarangkanambone apan iaaṛṛa'u Mawu si'o; sahipunte udde sulal᷊ummu naungngu.

DARALO 51:6

Su saruan-Nu, tumba'u su saruan-Nu i ya'u narosa, wuṛṛu a'olaangku pallal᷊aghu a'ellehan-Nu lal᷊eo. Ne suṛṛinone I'o makkuumangku, naṛṛinote apulu-Nu.

MANNANASE 2:26

Ruata nangonggollu apande, asingkatta wuṛṛu lal᷊umanna'a taumata apan maal᷊uassa naung-Nge. Arawe taumata marosa nirolokku Mawu mammanara maddea'a anna mangngombon hessine tadea'u itantilla su taumata apan maal᷊uassa naungngu Ruata. Nariaddi, sarangkanambone udde tawe gunane ere manara mangngenggenna anginna.

1 MARARATU 10:24

Anambon taumata su ahewallu runia mattinsahadda maddea'a maisasomban Salomo tadea'u maddaringikka al᷊aṛṛa'a masiṛṛongnga apan nionggollu Ruata si tou.

EZRA 7:25

Tuṛṛangnga Ezra, paata'e asingkatta apan buatte nionggollu Ruata su Tuṛṛangnga, wuṛṛu pamilete manga piaṛṛa'a wuṛṛu manga mallaṛṛuungnga tadea'u mamarenta anambon taumata su propinsi Efrat Waṛṛatta apan mabbiakka tumuṛṛuttu Titan Duatan Tuṛṛangnga. Ṛinone Tuṛṛangnga mangaṛṛa'u Tita udde su anambon taumata apan taambe naasingkatta.

AYUB 12:16

Ruata udde matohassa, ma'uatta wuṛṛu mawantuga! Taṛṛa wahia wuṛṛu iapa niawahianna bowa su al᷊ungngu taṛṛino-Ne.

DARALO 19:8

Titan Mawu udde nasuungnga, maal᷊uassa ṛimuudda. Parentan Mawu udde wotongnge apangimananna, mangonggollu apande su taumata lal᷊ebone.

DARALO 94:10

I Tou apan mangngaṛṛa'a manga walahanna, apa i Tou tawe makkuumanna? I Tou apan nabbal᷊i mananantiron anambon taumata, apa i Tou tawe uatahuanna asingkatta?

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.