AMSAL 2:4 - WUKE SUSI WATTI'U AL᷊AL᷊USASSA

⁴ Rea'ete udde naal᷊ihidda maddea'a wul᷊awanna, wuṛṛu enggenete udde naal᷊ihidda maddea'a darotongnga apan uaal᷊i.

AMSAL 2:4 Referans Kwoze

MATIUS 13:44

“Napawe Ruata mamarenta, olangnge ere sasumandingnga indi: Pia darotongnga uaal᷊i su leta'a see niabaannu sangkatou taumata, wuṛṛu niaddo apia su leta'a. Wua'udde ana waugu lulluassa, taumata udde inaite nabbal᷊u'u al᷊awo'u darotongnge, see nabelengke wuṛṛu namalli leta'a udde.”

MATIUS 19:29

Wuṛṛu manga taumata apan suete nanantangngu wal᷊ene, ara'e tuṛṛangnge esakka ara'e wawine, ara'e inangnga iamangnga, ara'e manga al᷊aṛṛanangnge ara'e wawail᷊anne ana waugu i Ya'u, taumata udde sarun manengkamma apia paaṛṛasutta su wageangnge. Wuṛṛu i tou sarun manengkamma lai wiakka tutune ma'oman sara mal᷊annu-l᷊annu.

AMSAL 16:16

Naasomba apande mappianne marau wuassu naasomba wul᷊awanna; naasomba asingkatta maareganne wuassu naasomba sal᷊a'a.

AYUB 3:21

Si mangitou mappianne lal᷊abbinganna wuassu darotongnga, uaṛṛaddo papate, arawe tawe rumanta.

LUKAS 16:8

Ne mawu mangangadon roitta apan taṛṛa l᷊inga udde nadalo si tou ana waugu inolaanne apan mangngapande udde; ana waugu manga taumatan runia indi mappandeanna mangatokku manara mangitou wuassu mangatokku taumata apan mabbiakka sulal᷊ummu asasemakka.”

MANNANASE 4:8

Pia taumata apan mabbiakka sassane tawe ana'a, ara'e lai tuṛṛangnga. Salaiwe aroddi, i tou sidutu mammanara masahadda wuṛṛu naungnge tawe saran paasa mal᷊uassa ringangu darotongnge. Ionggolla sisai i tou tumaniten mattinsahadda wuṛṛu mannola'u al᷊awo'u lal᷊umanna'a? Udde lai tawe gunane, wuṛṛu sambau ola'u pabbiaṛṛanna apan susa.

AMSAL 23:23

Al᷊aṛṛa'a apan atonna, apande, aehetta, wuṛṛu pasasunna – sarangkanambone udde wotongnge awallianna, arawe tumaniten maarega amungkangngu iwal᷊u'a.

DARALO 119:127

Manga tita-Nu arangnguangku nangillembo wuassu wul᷊awanna, nangillembo wuassu wul᷊awanna tutune.

DARALO 119:72

Si ya'u tita-Nu maaregganne wuassu anambon wul᷊awanna wuṛṛu sal᷊a'a su runia.

DARALO 119:14

I ya'u lullala'a tuttuṛutta manga parenta-Nu, ere lai uatahuanna al᷊awo'u hatin darotongnga.

DARALO 19:10

Mattaṛṛamawu su Mawu udde mapia, uatialu saran mal᷊annu-l᷊annu. Titan Mawu udde atonna wuṛṛu sarangkanambone matul᷊idda.

AMSAL 2:3

Oh, ana'u, pattinsahadde tadea'u maatahuanna ṛingiranna maṛṛoro, wuṛṛu paddorongnge pasasunna.

AMSAL 8:17

I ya'u u'akkanni mangitou apan mappulu'u; apan maddea'a si ya'u, sarun maasangkalla si ya'u.

PANDARIADDI 26:32

Su allo udde lai manga allangngi Ishak nirumanta wuṛṛu nangalae si tou su ola'u paṛṛihi apan buatte nial᷊i mangitou. Unni mangitou, “I yami naasangkalle ua'e.”

AMSAL 4:7

Apan ṛinone olaanna paarorone eteudde pattinsahadda maola'a masiṛṛungnga. Al᷊awo'a apan raddeaannu, arawe paarorone eteudde pattinsahadde maaddea'a pasasunna.