AMSAL 2:19 - WUKE SUSI WATTI'U AL᷊AL᷊USASSA

¹⁹ Taumata apan inai ringanni tou taambe piaddu nawelengnga apia su lal᷊anna apan matuddan sasal᷊amatta.

AMSAL 2:19 Referans Kwoze

MANNANASE 7:26

I ya'u naasingkatta manungku wawine mappettana wuassu papate. Darangngun bawine ere soma wuṛṛu sedda apan nariahite manemetta pabbawiakke. Laṛṛa'umme ere tal᷊i apan uaṛṛapussa masagadda. Taumata apan mappaamattu apulun Duata mal᷊iu wuassu seddane, arawe taumata marosa sarun asametanne.

DARALO 81:12

Arawe al᷊aṛṛana-U maddiri maddaringikka si Ya'u, Israel maddiri tumuṛṛutta si Ya'u.

HOSEA 4:14

Arawe i Ya'u sarun tawe makkuumannu inolaani mangitou udde, ana waugu i yamiu sassane lai inai ringannu manga sumasandaga apan mammanara su manga kuil wuṛṛu suaddio'a ringanni mangitou i yamiu mangngonggolu sasamba su monganna. Mangke atonna wisara indi: ‘Pabbawalaga apan tawe uatahuanna pasasunna su ola'u Ruata sarun maṛṛ'a.’

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

YEREMIA 13:23

Wotongnge taumata maitumma mamal᷊u kaluren pisine, ara'e harimau mamul᷊in woṛṛentenge? Udde tawe mariaddi! Aroddi lai i yamiu apan ninumarampe ma'ola'a al᷊al᷊eo tawe mariaddi ma'ola'a apapia.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

DARALO 16:11

I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

AMSAL 5:6

I tou tawe matatana'a su lal᷊anna apan mattuddan pabbiaṛṛanna; ringannu awagananna i tou nanewadda wuassu lal᷊anna udde.

AMSAL 5:11

Panginsueanne sarun sumal᷊iomanna, sutempo wadangngu masue inasannu radda'a.

AMSAL 6:32

Arawe ereapate su manga esakka apan sussandaga? I tou manggohakku watanganne sassane! Tumanitewen boddo i tou!