AMSAL 2:15 - WUKE SUSI WATTI'U AL᷊AL᷊USASSA

¹⁵ I mangitou taṛṛa l᷊inga wuṛṛu lal᷊annu pabbiaṛṛanni mangitou wengkolla.

AMSAL 2:15 Referans Kwoze

DARALO 125:5

Arawe taumata apan inolaanne mallinga antimanna iṛṛuumannu Mawu suadio'a ringannu taumata lal᷊eo. Doronganna al᷊aṛṛanang-Ngu mal᷊angnganna!

AMSAL 21:8

Taumata nassal᷊a, pasi wengkolla lal᷊anne; taumata mapia sidutu matul᷊idda wiakke.

FILIPI 2:15

Ringannu aroddi yamiu mapaal᷊iatta'a manungku eteudde i yamiu al᷊aṛṛana'u Ruata apan tawe angngone, mabbiakka ringannu matul᷊ida wuṛṛu naṛṛino su pattangnganu taumata lal᷊eo wuṛṛu marosa. Wuṛṛu su tempo i yamiu namasingkata si mangitou watti'a apan mangngonggolu wiakka, ṛinone i yamiu maola'a ere semakka apan lullansiangnga mannemakka runia. Amungkangu i yamiu mabbiakka ereudde, ne i ya'u pia pangiananne maapendamma al᷊al᷊uassa su ola'i yamiu su tempo Mawu Yesus rumanta apia. Udde maola'a tatialane manungku manara'u pia gunane wuṛṛu pia gessine.

TAHIUL᷊E 32:5

Arawe ete i yamiu walahanna apan mal᷊awangnga, wuṛṛu tate lai sulal᷊anne maola'a al᷊aṛṛanang-Nge, walahanna apan napenen pallal᷊inga wuṛṛu rosa.

YESAYA 59:8

I yamiu tawe maddea'a paddarame, wuṛṛu anambon inolaannu tawe atatul᷊idde. Lal᷊annu mangke wengkolla, wuṛṛu taumata apan umamatta su lal᷊anna udde sarun mabbiakka susa.

AMSAL 8:8

Manga wisara'u matul᷊idda abbi, tawe saran sangkapaddi apan wengkolla ara'e nassal᷊a.

AMSAL 14:2

Taumata apan matul᷊idda matta'utta wuṛṛu maaddatta su Mawu Ruata; taumata apan wiakke wengkolle manggaddio'a si Tou.