AMSAL 19:25 - WUKE SUSI WATTI'U AL᷊AL᷊USASSA

²⁵ Amungkangngu taumata mawunga iṛṛuumanna, taumata apan tawe pangalamanne maasomba al᷊aṛṛa'a. Amungkangngu taumata mapia tagguanna i tou sarun aatambanna apandene.

AMSAL 19:25 Referans Kwoze

AMSAL 21:11

Ṛuumanna su taṛṛa lobbossa maola'a al᷊aṛṛa'a su taumata apan tawe pangalamanne. Amungkangngu taumata mapia taguanna, i tou sarun aatambanna pande.

AMSAL 17:10

Sambau tatagu lembon maarega su taumata mapia wuassu maṛṛasutta hahesekka su taumata woddo.

AMSAL 15:5

Taumata woddo tawe maddaringikka al᷊aṛṛa'u iamangnge, taumata pande maddaringikka tataggu.

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

TAHIUL᷊E 21:21

Ana see manga esakka wuassu soa udde ṛinone manuntungngu watu su ana'a udde ma'oman sara mate. Ringannu aroddi yamiu mangnginsue al᷊al᷊eo udde. Anambon taumatan Israel sarun maaringikka arariadianna udde wuṛṛu mabbal᷊i mata'utta.”

TAHIUL᷊E 13:11

Ne anambon balahannu Israel sarun maaringikka ola'u pamamate udde wuṛṛu mabbal᷊i mata'utta, ma'oman sara tawe saran sangkatou lai apan baṛṛani ma'ola'a al᷊al᷊eo udde.

DARALO 141:5

Amungkangu pia sangkatou taumata mapia mamo'a si ya'u, wuṛṛu ringannu naungnga mawawo mangaṛa'a si ya'u, udde naal᷊ihidda lana apan apianne si ya'u. Antimanna i ya'u tawe manola'a, ana waugu i ya'u sidutu u'al᷊iomanna mannal᷊are al᷊al᷊eon mangitou.

AMSAL 9:7

Amungkangu taumata maddiri aṛṛaanna ta'ea'a pasasal᷊ane, i tou sarun lumaggenu. Amungkangngu taumata lal᷊eo wul᷊oannu, i tou sarun mallela si'o.

AMSAL 1:5

Ringannu manga tatantiro indi taumata pande lai sarun aatambanna asingkanne, wuṛṛu taumata apan pia si'ol᷊ane sarun maasomba aehetta.