AMSAL 19:21 - WUKE SUSI WATTI'U AL᷊AL᷊USASSA

²¹ Taumata pia manambo ṛiinna, arawe tumba'u laṛṛawessu Mawu apan maola'a.

AMSAL 19:21 Referans Kwoze

AMSAL 16:9

Taumata wotongnge manggol᷊aga, arawe Ruata apan manantunnu lal᷊annu pabbiaṛṛanne.

YESAYA 14:24

Mawu Apan Lembontaṛṛino nassalu: “Apan buatte Ta'u nihol᷊aga sarun matipussa.

AMSAL 16:1

Taumata wotongnge manggol᷊aga, arawe Ruata apan makkawessa.

YESAYA 46:10

Wuassu panattaṛṛanne i Ya'u namasingkattu manga apa apan sarun mariaddi sal᷊immurine, ro'en dorone i Ya'u mabbatti'a apa apan sarun mariaddi. Manga wisara-U: Putusang-Ku sarun maola'a, apulu-U sarun Ta'u olaanna!

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

AYUB 23:13

Ruata udde tawe mawal᷊u, taweddu maal᷊awangnga si Tou. I Tou ma'ola'a sarangkanambone apan ipaapulu-Ne.

AMSAL 21:1

Uasul᷊ungngu ere Mawu nangatokku ua'en sal᷊ukka tadea'u mangelekka tumuṛṛuttu apulu-Ne, aroddi lai i Tou mangngehetta ṛingirannu ratu.

MANNANASE 7:29

Tumba'u indi apan niasombangangku: Ruata na'ola'a si ite tawe lembone wuṛṛu wiasa. Arawe ete i ite sassane apan na'ola'a watanganni ite masahadda passunnanne wuṛṛu mangke uawengkolla.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

DARALO 21:11

Wuassu papapulunni mangitou taweddu nallambe, ratu sarun mamate si mangitou sarangkanambone.

1 PETRUS 2:8

wuṛṛu “Eteudde watu apan maatara taumata, watu apan naaema'a si mangitou.” I mangitou natara ana waugu i mangitou tawe mangngimanna wisaran Duata. Ete aroddi suete tinantunu Ruata su ola'i mangitou.

PANDARIADDI 50:20

I yamiu buatte nabbaidda ma'ola'a al᷊al᷊eo si ya'u, arawe Ruata namal᷊u al᷊al᷊eo udde nabbal᷊i apapia, tadea'u apa apan nariaddi paarorone udde maasalamatta anambon taumata apan mabbiakka orassa indi.

AMSAL 12:2

Taumata mapia arangnguannu Mawu, arawe taumata apan makkiinnu al᷊al᷊eo sarun iṛṛuumanna.

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

ESTER 9:25

Arawe Ester sinumaruanna ratu, wuṛṛu ratu nangonggollu parenta uawoṛṛetta na'oman sara hol᷊aga lal᷊eo apan niola'i Haman naṛṛia'a su watanganne sassane, wuṛṛu lai i tou see al᷊aṛṛanangnge nihantongnga su diṛṛin panggahantonganna.

DARALO 83:4

I mangitou makkinnu hol᷊aga lal᷊eo ipando'appa al᷊aṛṛanang-Ngu; wuṛṛu nabbaidda lumawangnga manga taumata apan lal᷊u'aran-Nu.

AMSAL 19:22

Pallal᷊agu apan aantimanna wuassu sangkatou eteudde asasatiane. Mappianne asiangnga wuassu mabbal᷊i taṛṛa awusu.

YEREMIA 44:29

I Ya'u sarun mandantan asasilaka si yamiu su tampa indi tadea'u ipaniala si yamiu manungku ṛuumanna apan Ta'u nihol᷊aga atonna-tonna mariaddi.

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

YEHEZKIEL 20:32

I yamiu maapulu massulungngu manga walahanna waine wuṛṛu tumana'u manga wanua waine apan maasubba aaluanna wuṛṛu watu. Arawe apulunu udde tawe maola'a.’ ”