AMSAL 19:17 - WUKE SUSI WATTI'U AL᷊AL᷊USASSA

¹⁷ Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

AMSAL 19:17 Referans Kwoze

AMSAL 28:27

Isai apan mangngonggolla taumata asiangnga sarun tawe asueanne. Isai manutubbu mata su awusu taumata asiangnga sarun awontohanna.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

LUKAS 6:38

Pangonggolla su taumata waine, tadea'u Ruata lai mangonggolla si yamiu; i yamiu sarun manengkamma aonggolla nangillembo apan suete niuukka masada-sadatta maola'a wageangngu. Ana waugu auuṛṛanna apan ipanguukki yamiu su taumata waine sarun ipanguukku Ruata lai si yamiu.”

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MANNANASE 11:1

Addoa'e roinnu salal᷊ummu manara su wanua waine. I'o sarun maasomba auntunganna su allo sal᷊immurine.

AMSAL 14:31

Isai ma'ola'a mapia su taumata asiangnga, i tou mangngaddata Ruatane; isai mangngallangnga taumata lome, mallobbossa Mandariaddine.

FILIPI 4:17

Udde wal᷊ine i ya'u tumba'u maapulu manengkamma aonggola. Apa apan ipaapulu'u eteudde, tadea'u i ya'u wotongnge maasilo manga pabbawuan manaranu apan maatamba auntungannu.

AMSAL 14:21

Isai mallobbossa taumata waine, na'ola'a rosa; isai apan u'akkannu taumata asiangnga, sarun mabbiakka su lal᷊umanna'a.

AMSAL 28:8

Isai nabbal᷊ite ala ana waugu nanganu bungane wuṛṛu maddea'a auntunganne manambo-nambo, paa'alane sarun manawo su taumata apan maakannu taumata asiangnga.

AMSAL 12:14

Suapan taumata maasomba lal᷊antakku manga wisara wuṛṛu inolaanne; sangkatou-sangkatou onggol᷊annu wawal᷊inne ere buatte niolangnge.

TAHIUL᷊E 24:19

Amungkangngu i yamiu mangammulu hessin letangngu, imbaṛṛangnga mabelengnga mangal᷊appa gandumma lambene apan natantangnga. Gandumma udde ṛinone iwala aroddi su taumata raho, ana'a asisintimpal᷊ussa wuṛṛu manga inawal᷊uanna, tadea'u i yamiu al᷊amatannu Mawu Ruatanu sulal᷊ummu al᷊awo'u manaranu.

DARALO 72:13

I Tou u'akkannu taumata asiangnga wuṛṛu taumata susa, wuṛṛu nanal᷊amatta wiakku taumata awussa.

AMSAL 22:9

Taumata apan naungnge mapia sarun al᷊amatannu Mawu, ana waugu i tou mattahia wiakka su taumata awussa.

MANNANASE 11:2

Addoa'e roinnu su al᷊awo'u hatin paddaganganna; paddea'e manara ringangu manambo-nambo. Ana waugu taumata ṛinone uaantagga tantal᷊anna asasilaka taambe naṛṛia'a.

DARALO 41:2

Lal᷊umanna'a su taumata apan u'akkannu taumata lome; Mawu sarun mantul᷊ungngi tou sutempon asasusa.