AMSAL 19:16 - WUKE SUSI WATTI'U AL᷊AL᷊USASSA

¹⁶ Taumata apan tuttuṛṛutta manga parentan Duata sarun masal᷊amatta, taumata apan tawe mangaregane sarun nate.

AMSAL 19:16 Referans Kwoze

LUKAS 10:28

“Sasimbakku udde atonna,” unnu Mawu Yesus. “Ola'e udde tadea'u i'o maralukka.”

AMSAL 13:13

Taumata apan mangngaddio'a al᷊aṛṛa'u Mawu, mannilaka watanganne; taumata apan matuṛṛutta titan Duata sarun maasomba lal᷊antakke.

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

1 YOHANES 5:3

Ana waugu, mandangngu Ruata atapasanne tuttuṛṛuta manga parenta-Ne. Wuṛṛu manga parenta-Ne tawe maawakkata si ite,

1 YOHANES 3:22

Wuṛṛu apa apan radoronganni ite wuassi Tou, i ite sarun maasomba, ana waugu i ite tuttuṛṛuta manga parenta-Ne wuṛṛu ma'ola'a apa apan maal᷊uassa naung-Nge.

AMSAL 29:18

Walahanna apan tawe naasomba aehettu Mawu mabbal᷊i walahanna apan napenen pabbawawul᷊o. Lal᷊umanna'a su taumata apan matuṛṛutta titan Mawu.

AMSAL 21:23

Su ipallinda'u asasusa, ṛinone paatehamma malluan bisara.

AMSAL 16:17

Taumata mapia mangindaun al᷊al᷊eo; taumata apan mangngapia ola'u pabbiaṛṛanne, mallu'adda watanganne.

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

1 KORINTUS 7:19

Ana waugu tuttuṛṛutta titan sunatta ara'e tawe tumuṛṛutta, sarangkanambone tawe gunane. Ahunanne tumba'u tumuṛṛutta manga titan Duata.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

MANNANASE 8:5

Taumata apan matuṛṛutta si tou, sarun matammudda wuṛṛu mal᷊angnganna; taumata pande masingkatta tingngera wuṛṛu ereapa tumuṛṛutta ratu.

AMSAL 3:1

Ariewe paabul᷊iane sarangkanambone apan buatte ta'u niaṛṛa'a si'o, ana'u. Naungewe sidutu parenta'u,

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

MATIUS 16:26

Apa auntunganne su sangkatou taumata, amungkangngu ahewallu runia indi maola'a darotongnge arawe i tou awul᷊iannu wiakke? Wotongnge wiakka udde sal᷊iuannu sambau darotongnga?

YEREMIA 7:23

I Ya'u tumba'u namarenta si mangitou tadea'u tuttuṛṛutta si Ya'u tadea'u i Ya'u maola'a Ruata mangitou, wuṛṛu i mangitou maola'a uma-U. I Ya'u nandolokki mangitou mabbisakka tumuṛṛuttu manga parenta-U tadea'u i mangitou su lal᷊ummanna'a.

AMSAL 22:5

Paṛṛabba wuṛṛu sedda nitaingnga su lal᷊annu taumata taṛṛa linga; pangindauten sarangkanambone udde amungkangngu i'o mappulu masal᷊amatta.

AMSAL 15:32

Taumata apan maddiri aṛṛaanna, tawe mangaregan batanganne sassane; taumata apan mannengkamma tatagu, mabbali taumata masaṛṛionto'a.

DARALO 103:18

su taumata apan uaumbele paaire-Ne wuṛṛu ringannu maadunna tuttuṛṛutta parenta-Ne.

AYUB 5:2

Tumba'u ete taumata woddo apan mattate ana waugu asasusan naungnge.

AMSAL 21:16

Taumata apan tawe tumuṛṛutta su lal᷊annu pabbiaṛṛannu taumata mapia, i tou sarun ma'oma su runian taumata nate.