AMSAL 18:23 - WUKE SUSI WATTI'U AL᷊AL᷊USASSA

²³ Taumata asiangnga maddorongnga ringannu addatta; taumata ala sussimbakka ringannu mammuṛṛeangnga.

AMSAL 18:23 Referans Kwoze

YAKOBUS 2:3

ne i yamiu lembon mangngaddatta taumata laungnge mapia udde. I yamiu mabbisara si tou, “Wette Tua, aiana'a su addera apianne indi.” Arawe su taumata apan asiangnga i yamiu mabbisara, “Darisikke poiaroddi,” ara'e “A'iante su rapappake isindi.”

YAKOBUS 2:6

Arawe i yamiu ewe'e mangngal᷊uandaga taumata asiangnga, wutte'e ete taumata ala apan mandal᷊eo wuṛṛu mangngapidi yamiu watukku pallaṛṛuumanna.

MATIUS 5:3

“Lal᷊umanna'a su taumata apan uapendamma tawe atatohassa wuṛṛu tumba'u uaantimma Mawu sassane; ete i mangitou udde lal᷊oṛṛon araratuannu Ruata!

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

1 SAMUEL 25:17

Ana waugu udde, ṛingira'a paapia olangnge indi, wuṛṛu ṛawesa'e apa apan botongnge olaanni Mama. Ana waugu sarun dumanta wawal᷊inne si tuangngi ite wuṛṛu su anambon balahanne. I Tuangngi ite aroddi tawe maddaringikka na'oman sara i tou tawe a'aehanna maggahatto!”

1 SAMUEL 25:10

Arawe i Nabal sinumimbakka, “Daud? Isai i tou? Isai udde ana'i Isai? Taambe saran paassa ya'u naaringikka aranni tou! Wakku-wakku indi manambo allangnga apan tinumal᷊angnga wuassu mawune nirumanta su wanua indi!

1 SAMUEL 2:36

Suapan papapulunnu apan ta'e wiakka, sarun inai ringannu imam udde maddorongnga roitta wuṛṛu anna. I tou sarun sumal᷊ande, Wala'awe ya'u massumbala manga imam, tadea'u ya'u wotongnga maanna salaiwe tumba'u sangkawo'o.”

RUT 2:7

I tou nadorongnga si ya'u tadea'u iwala tumantalongnga wuassu liuddu mangangitingnga tadea'u mamurutta ganduma apan mannawo. Ro'en marua'allo i tou sidutu mammanara wuṛṛu orassa indi wakkute nangillol᷊o talangkadio'a su sambengessa.”

SASABANGNGA 5:2

“Isai Mawu udde?” aiwal᷊on datu. “Anio i ya'u mangaddata si Tou wuṛṛu mamalan balahannu Israel mapul᷊e? I Ya'u wagga Mawu udde, wuṛṛu taumatan Israel tawe ta'u iwala mapul᷊e.”

PANDARIADDI 42:30

“Gubernuren Mesir mabbisara ringannu maṛṛagissa si yami wuṛṛu mangngansilla si yami mattataṛṛaso'o wanuane.

PANDARIADDI 42:7

Napawe i Yusuf naasilo manga iaangnge, i tou naaillal᷊a si mangitou, arawe i tou mammahia tawe naaillal᷊a. Ringannu maṛṛagissa i tou naiwal᷊o si mangitou, “I yamiu taumata wuassuapa?” “Yami taumatan Kanaan. Yami nirumanta mamalli anna,” sasimbakki mangitou.

1 MARARATU 12:13

Uapapaṛṛalan ringannu tatantiro matatimmade udde, tumana'a apan nirumanta ringanni tou udde niwo'anne ringannu maṛṛagissa.

2 TAWARIKH 10:13

Uapapaṛṛalan al᷊aṛṛa'u matatimmade, awadaalla apan nirumanta ringanni tou udde niwo'anna ringannu maṛṛagissa.

AMSAL 19:7

Taumata asiangnga aaddio'annu tuṛṛangnge, lembonete lai hawene. Salaiwe i tou mattinsahadda, i tou tawe maawohe si mangitou.

AMSAL 22:7

Taumata asiangnga tataṛṛinoannu taumata ala; taumata apan mabballassa tataṛṛinoannu taumata apan napawallassa.

AYUB 41:3

Asinungka i tou sumal᷊ande si'o tadea'u ipallossa? ara'e ma'irenu maddorongnga aakkanna?