AMSAL 17:6 - WUKE SUSI WATTI'U AL᷊AL᷊USASSA

⁶ Al᷊al᷊uassu taumata timmadete eteudde ana'a pulunna; al᷊al᷊uassu al᷊aṛṛana'a eteudde hagurangnge.

AMSAL 17:6 Referans Kwoze

AMSAL 16:31

Taumata matul᷊idda sarun onggol᷊annu uukka mal᷊o'engnga; owanne naal᷊ihidda mahkota apan mawantuga.

AMSAL 13:22

Taumata mapia mannantangngu pussa'ane su ana'a pulunne; paa'alan taumata marosa sahipunanna maola'a tatahuannu taumata apan matul᷊idda wiakke.

1 MARARATU 15:4

Arawe, ana waugu i Ratu Daud, Ne Mawu, Ruata apan sassubbanni Daud, buatte nangonggolla si Abiam sangkatou ana'a iapalol᷊ossa si tou mamarenta su Yerusalem wuṛṛu manohassa soa udde.

1 MARARATU 11:12

Salaiwe aroddi, ana waugu iamangngu Daud, i Ya'u tawe ma'ola'a udde su al᷊o'engngu pabbiaṛṛannu. Su tempo pamamarentan anangngu, wakkute udde Ta'u olaanna.

PANDARIADDI 50:23

I tou ta'e naasilo ana'a pulunni Efraim. I tou lai ta'e napabbuwunna manga ana'i Makhir, eteudde pulunni Manasye, naola'a anangnge sassane.

PANDARIADDI 48:11

Ana see i Yakub nabbisarate si Yusuf, “I ya'u tawe antimma sarun massombanu apia, arawe orassa indi Ruata ewe'e namala'u lai maasilo manga anangngu.”

SASABANGNGA 20:12

Pangaddata iamangngu wuṛṛu inangngu, tadea'u i yamiu mabbiaka su lal᷊umanna'a wuṛṛu mabbiakka malannu su wanua apan sarun Ta'u ionggolla si yamiu.

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’