AMSAL 17:23 - WUKE SUSI WATTI'U AL᷊AL᷊USASSA

²³ Mallaṛṛungnga apan mangngempe, mannengkamma roitta aonggolla ringannu mal᷊annabba wuṛṛu tawe mangamattu atatul᷊idda.

AMSAL 17:23 Referans Kwoze

MIKHA 7:3

Sarangkanambone pande sulal᷊ummu ma'ola'a al᷊al᷊eo. Tembonanne wuṛṛu mallaṛṛuungnga maddorongnga roitta aonggolla, wuṛṛu matatimmaddu wanua mammata'u apulune, etearoddi i mangitou nabbaidda suadio'a.

AMSAL 17:8

Piaddu massunna roitta aonggolla wotongnge ma'ola'a al᷊aṛṛindu'a; ringannu roitta aonggolla sarangkanambone wotongnge maola'a.

SASABANGNGA 23:8

Imbaṛṛangnga manengkamma roitta aonggolla, ana waugu roitta aonggolla udde ma'awuta su ola'u inolaanna mapia wuṛṛu ma'arugi manga taumata apan tawe sal᷊ane.

TAHIUL᷊E 16:19

Sulal᷊ummu makkawessu hatto, i mangitou tawe wotongnge walate apulu mapaasal᷊a ara'e mangempen samba'a. I mangitou lai tawe wotongnge manengkamma roitta, ana waugu roitta udde maawuta taumata, ewe'e lai su taumata pande wuṛṛu matul᷊idda, na'oman sara i mangitou makkawessu hatto tawe su atatul᷊idda.

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

YEHEZKIEL 22:12

Piaddu lai apan naola'a mamamate wabbaeṛṛanna, taṛṛal᷊inga wuṛṛu taṛṛa woddo manga taumata sambalahanne. I mangitou sarangkanambone na'abul᷊i-U te. I Ya'u Mawu Apan Atanggaṛṛanne buatte nabbisara.

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

AMSAL 21:14

Su i mapa'ulen asasa'u wuṛṛu wawansaga, untureten aonggolla ringannu mal᷊anna-l᷊annabba.

AMSAL 18:16

Lal᷊antakku maawu'a lal᷊anna wuṛṛu manguntuddu taumata ringannu manga tembonanne.

1 SAMUEL 12:3

Orassa indi, ya'u uarisikka su saruanni yamiu! Amungkangu ya'u buatte na'ola'a al᷊al᷊eo, ansilete ya'u su saruannu Mawu wuṛṛu su saruannu ratu apan nipile-Ne. Apa ya'u buatte nanna'o sapi ara'e keledain taumata waine? Apa ya'u buatte nallinga ara'e mannansara ara'e mannengkamma roitta aonggolla? Wal᷊oa'e, tadea'u sarangkanambone apan ta'u nianu wotongnge iapawelengku.”

1 SAMUEL 8:3

Arawe itarua tawe nangaṛṛussa pallal᷊aghu iamangngi tarua, arawe tumba'u maddea'a auntunganna sassane. Itarua mannengkamma roitta aonggola wuṛṛu mammarikissa tumanangnge ringannu tawe su atatul᷊idda.

MANNANASE 7:7

Amungkangngu taumata pande mallinga, tumaniten woddo manarane; amungkangngu taumata manengkamma roitta aonggolla, narusate ṛingiranne.

YESAYA 5:23

Arawe tumba'u ana see maasomba roitta sasoggokka, i yamiu namallossu taumata nassal᷊a, wuṛṛu mammal᷊aatta taumata tawe sal᷊ane apan maddea'a atatul᷊idda.

YEHEZKIEL 22:27

Manga tembonanne su pamarenta ere serigala apan mammaṛṛu wiakke. I mangitou ma'ola'a pamamate tumba'u ana maddea'a auntunganna.

MIKHA 3:9

Paddaringikke manga wisara'u indi, ei i yamiu tembonannu Israel apan maddantinnu atatul᷊idda wuṛṛu mammal᷊elongngu apapia.