AMSAL 17:19 - WUKE SUSI WATTI'U AL᷊AL᷊USASSA

¹⁹ Taumata apan apulune su rosa, i tou apulune lai uatatiakka. Taumata apan tal᷊immoṛṛonganna, maddea'a papate.

AMSAL 17:19 Referans Kwoze

AMSAL 16:18

Warabbunga pangillul᷊eanne awawinasa; atatanggakka pangillul᷊eanne ananawo.

AMSAL 18:12

Taumata mawunga sarun manawo, taumata masaṛṛionto'a sarun addatanna.

YAKOBUS 1:20

Taumata mal᷊ihakka masa'u tawe maaola'a inolaanne apan mapia, apan maal᷊uassa naungngu Ruata.

AMSAL 29:9

Amungkangngu taumata pande wuṛṛu taumata woddo maggahatto, taumata woddo udde tumba'u mandona wuṛṛu lullage na'oman sara mandantan paggahahio.

AMSAL 24:27

Imbaṛṛangnga mapararisikku putunganna tantal᷊anna i'o taambe nanaddia wawail᷊annu wuṛṛu taamben mammanara.

AMSAL 17:14

Manattakku patatiakka udde naal᷊ihidda namaassa lal᷊annu ua'e; ana waugu soṛṛote tantal᷊anna patatiakka taambe nanattakka.

1 MARARATU 1:5

Ana waugu i Absalom natete, ne i Adonia, ana'i Daud aruane naola'a aiaanganne. Inangnge aranne i Hagit. I Adonia uddewe sangkatou apan maṛṛansangnga. Iamangnge tawe saran paassa namul᷊o si tou amungkangngu i tou ma'ola'a pasasal᷊a. I Adonia mappulu atonna maola'a ratu, ne i tou nanaddia hunan batanganne manambo keretan pangalo wuṛṛu tantara uasa'e awal᷊o see liman pul᷊o tantara uariaga si tou.

2 SAMUEL 15:1

Wua'udde i Absalom nandiahi saranapane sambau keretan pangalo ringannu awal᷊o see lai liman pul᷊o su atoune mallal᷊aṛenggenne.

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.