AMSAL 17:15 - WUKE SUSI WATTI'U AL᷊AL᷊USASSA

¹⁵ Taumata maddantinnu taumata apan mappaṛṛinon taumata lal᷊eo, wuṛṛu mapasal᷊an taumata apan tawe sal᷊ane.

AMSAL 17:15 Referans Kwoze

SASABANGNGA 23:7

Paaraua'a aansilla awusu wuṛṛu imbaṛṛangnga taumata tawe sal᷊ane iṛṛuumanna pateanna, ana waugu i Ya'u tawe manamba'a taumata apan ma'ola'a al᷊al᷊eo ereudde.

YESAYA 5:23

Arawe tumba'u ana see maasomba roitta sasoggokka, i yamiu namallossu taumata nassal᷊a, wuṛṛu mammal᷊aatta taumata tawe sal᷊ane apan maddea'a atatul᷊idda.

AMSAL 18:5

Dal᷊eo manamba'a taumata lal᷊eo wuṛṛu mangallangnga taumata tawe sal᷊ane.

AMOS 6:12

Wotongngewe awal᷊o tumal᷊angnga su wuiddu watu? Apa buatte taumata mammajeko tahal᷊oangnga ringannu sapi? Arawe i yamiu buatte namal᷊elongngu atatul᷊idda naola'a sukkatta apan naapate, wuṛṛu iapa naṛṛino maola'a nassal᷊a.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

YAKOBUS 5:6

I yamiu maṛṛuumanna wuṛṛu mammate manga taumata apan tawe sal᷊ane, wuṛṛu i mangitou tawe lumawangnga si yamiu.

ROMA 4:5

Arawe pia taumata tawe mangantimma su manarane sassane; i tou mannantillu watanganne su Ruata apan napaal᷊iatta'a manungku taumata marosa sarun maal᷊iu wuassu passasal᷊ane. Pinangianannu pangangimanne udde Ruata nanarimmatta si tou maola'a taumata apan maal᷊uassa naungngu Ruata.

AMOS 5:12

I ya'u masingkatta aroddi ahewalle al᷊al᷊aeonu wuṛṛu aroddi anambone rosanu. I yamiu mangngallangnga taumata mapia; i yamiu mannengkamma roittu aonggolla wuṛṛu namalan taumata asiangnga a'olaanna ringannu tawe atatul᷊idda su pallaṛṛuunganna.

AMOS 5:7

Nasilakate i yamiu, i yamiu apan mammal᷊elongngu atatul᷊idda wuṛṛu mandal᷊eo pabbiaṛṛannu taumata!

AMSAL 6:16

Pia pitu hatto apan ipaddantinnu Mawu wuṛṛu tawe iwala-Ne aroddi; Pallal᷊agu mawunga, moṛṛongnga taṛṛa wahia, ta'iakka apan namate taumata tawe sal᷊ane, ṛingiranna apan makkiinnu manga inolaanna lal᷊eo, ledda apan uasasaṛṛawutta mattudda al᷊al᷊eo, matatiala apan sidutu mammahia, wuṛṛu taumata apan mamonsen pabbawawul᷊o suwallattu sandingananna.

1 MARARATU 21:13

Ruan katou taumata lal᷊eo ua'ianna uasasaruanni Nabot, wuṛṛu su saruannu awadaalla itarua nangansilla si tou manungku i tou buatte nantal᷊an Duata wuṛṛu ratu. Ana waugu udde i tou niapidda watukku liuddu soa ana see tinuntungannu watu na'oman sara nate.

AMSAL 11:1

Mawu maddantinnu taumata apan mappaattu timbanganna ipallinga arawe i Tou mal᷊uassa ringannu taumata apan mappaattu timbanganna naṛṛino.

DARALO 94:21

I mangitou suadio'a lumawangnga taumata matul᷊idda, wuṛṛu nakkuumanna pateanna taumata apan tawe sal᷊ane.

AMSAL 17:26

Tawe su ṛinone mangandangngu denda su taumata apan tawe sal᷊ane; tawe su ṛinone mangallangnga taumata apan mapia.

AMSAL 31:5

Ana waugu, amungkangngu ratu ma'inumma ua'e maawu'anna, i tou naabul᷊iten tita wuṛṛu tate maddaringikka taumata lal᷊ebbone.

YESAYA 5:20

Nasilakate i yamiu apan mammal᷊elongngu apapia wuṛṛu al᷊al᷊eo, apan marandumma wuṛṛu masemakka, apan mapetta wuṛṛu matemangnga!

LAL᷊ALLU 3:35

amungkangngu i ite niawul᷊iannu hakka apan nionggollu Mawu,

TAHIUL᷊E 25:1

Unnu wisara pia darua taumatan Israel inai ringannu mallaṛṛuunga mangalaen sambau hatto, ana see sangkatou tawe niapaasal᷊a wuṛṛu waine niapaasal᷊a.

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”